Gleðigangan fer fram
12. ágúst 2023.
Q - félag hinsegin stúdenta mun ganga í gleðigöngu Hinsegin daga. Félagið hefur ákveðið að bjóða LÍS og aðildarfélögum að ganga með þeim og sýna hinsegin stúdentum þannig stuðning í verki.
Stutt lýsing á atriðinu:
Hugmyndin er í hnotskurn að allir stúdentar standi saman og lyfti hinsegin stúdentum upp þegar þörf er á, og sá tími er núna. Við myndum vera í samstarfi með stúdentafélögum innan háskóla landsins og bjóða þeim að verða hluti af okkar atriði og benda þá sérstaklega hinsegin fólkinu að vera í miðpunkti atriðisins. Atriðið væri titlað Skjaldborg hinsegin stúdenta, í táknrænni og bókstaflegri merkingu orðsins.
Ítarlegri lýsing á atriðinu:
Atriðinu er skipt í tvo hópa, annars vegar hinsegin stúdentar og hins vegar bandamenn, (e. allies). Hinsegin hópurinn myndi vera í miðdepli, nánar tiltekið á skreyttum vagni í litríkum búningum. Vagninn yrði skreyttur. Bandamenn klæðast borðum sem stendur "Skjaldborg hinsegin stúdenta". Bandamenn myndu þá umkringja vagninn og labba með okkur í verndarhring og beina athyglinni að hinsegin fólkinu. Bandamenn myndu sumir einnig bera skreytta skildi, með ýmsum teiknuðum áletrunum og slagorðum, til að verja sig og okkur, og mynda þannig sterkari skjaldborg. Hugmyndin er í hnotskurn að allir stúdentar standi saman og lyfti hinsegin stúdentum upp þegar þörf er á, og sá tími er núna. Þannig myndum við ganga saman sem einn hópur í sameiningu.
Boðskapur atriðisins:
Í kjölfar undiröldunnar sem hefur gengið um samfélagið þurfum við meira á stuðningi bandamanna að halda en áður. Við viljum hvetja fólk til að stíga fram og lýsa stuðningi sínum við hinsegin samfélagið svo við stöndum ekki alltaf ein í baráttunni.
Vagn eða skjaldborgin?
Öllum sem styðja við bakið á hinsegin fólki er velkomið að taka þátt með okkur í göngunni. ❤️
Á vagninum er takmarkað pláss í boði og því er mikilvægt að þau sem vilja fá að vera þar skrái sig sem fyrst! 💖
