UN CAMPA DISTINTO ONDE A REVOLUCIÓN VAI POR DENTRO: un campa diverso, divertido, cheo de amor propio, colectividade e sen estereotipos.
Do 26 ao 30 de decembro, 9-14/16h.
Este campa nace por unha necesidade moi concreta: a de que as crianzas sigan sendo comedoras intuitivas e respectando o seu corpo tal e como é. Non nacemos odiando ao noso corpo, senón que aprendemos a facelo. Coa alimentación pasa o mesmo, as crianzas son comedoras competentes dende que nacen, saben cando teñen fame e cando están saciados/as, somos nós, a sociedade, a cultura, quen lles dicta que deben comer ou que non e lles impoñemos reglas alimentarias dende ben pequenos e pequenas.
E esto é precisamente o que queremos traballar e desenvolver neste campa a través do xogo, da arte e da lectura, sempre dende unha perspectiva de xénero.