Задзіночанне Беларускіх Студэнтаў (ЗБС) разам з Моладзевым Блокам запрашаюць актыўных студэнтаў і студэнтак, выпускнікоў і выпускніц на 5-дзённы афлайн івэнт у Літве з 31 жніўня па 4 верасня. Вас чакаюць трэнінгі ад экспертаў і экспертак ў сферах эканомікі, палітыкі і прадпрымальніцтва, адукацыйныя матэрыялы на лета, праца ў камандах і распрацоўка ўласных праектаў.
Моладзевы Эканамічны Кэмп гэта добры старт для цябе, калі:
- Ты актыўны беларускі студэнт, выпускнік або актыўная беларуская студэнтка, выпускніца незалежна ад месца навучання і актуальнага пражывання;- Цябе турбуе эканамічная будучыня Беларусі;- Табе ёсць 18 год;- Табе цікавы новыя веды пра эканоміку, палітыку і прадпрымальніцтва ў інтарактыўным фармаце;- Ты хочаш пазнаёміцца з аднадумцамі і ўцягнуцца ў актывістскае кам'юніці.Што будзе на Кэмпе?
Паглыбімся ў бягучы стан беларускай эканомікі: яе ключавыя праблемы і выклікі. Разгледзім магчымыя шляхі рэфармавання зараз і ў будучыні. Удзельнікі і ўдзельніцы распрацуюць уласныя праекты і ініцыятывы.
Падрабязная праграма будзе раскрыта адабраным удзельнікам і ўдзельніцам, а некаторую інфармацыю мы дадаткова раскрыем у нашых сацыяльных сетках.
⚡️ Удзел у Моладзевым Эканамічным Кэмпе бясплатны. Мы пакрываем транспартныя выдаткі, пражыванне, харчаванне і прапануем візавую падтрымку для ўдзельнікаў і ўдзельніц.
Даты правядзення Моладзевага Эканамічнага Кэмпа: 31 жніўня – 4 верасня 2023 года.
Паспей падацца на Кэмп да 19 чэрвеня (уключна)!
Пра вынікі адбору паведамім да 23 чэрвеня.
Калі засталіся пытанні адносна Кэмпа, то пішы на пошту official@zbsunion.org або ў тг-бот https://t.me/zbsunion_bot з пазнакай «Моладзевы Эканамічны Кэмп».
