Elektron Hökumətin İnkişafı Mərkəzi (EHİM), ASAN Könüllülük Məktəbi və KOICA beynəlxalq təşkilatının birgə əməkdaşlığı ilə "Rəqəmsal Hökumət" təşviqat proqramının növbəti dalğasına start verilir. Layihə 2 ay davam edəcək, təlim proqramı  ilə yanaşı komanda işi nəzərdə tutulub. Proqramda  Elektron Hökumət sahəsində Koreya təcrübəsi, EHİM  tərəfindən idarə edilən və reallaşdırılan layihələr haqqında təqdimatlar keçiriləcək.

Təlimin əhatə edəcəyi mövzular aşağıdakılardır:

• Rəqəmsal xidmətlərin inkişafı dövrləri və elektron xidmətlər
• eGov
• yeni myGov konsepti
• ASAN Finans
• ASAN ödəniş
• ASAN Viza
• ASAN Login
• ASAN Wifi
• Vətəndaşlarla sorğu keçirməyin və rəqəmsal transformasiyada vətəndaş iştirakının vacibliyi
• Qlobal trendlər: Dayanıqlı İnkişaf hədəfləri, BMT elektron hökumətin inkişaf indeksi
• Elektron hökumət sahəsində Koreya təcrübəsi
• Rəqəmsal hökumətə keçid və gələcəyə baxış


Təcrübə proqramının növbəti mərhələsində  rəqəmsal xidmətlərin təşviqatı məqsədi ilə, iştirakçılar vətəndaşlardan Rəqəmsallaşma istiqamətində sorğular aparacaqlar.

Qeyd edək ki, proqamı uğurla başa vuran könüllülər sertifikatlarla təltif ediləcəkdir.