O proxecto Foro Novo do Baixo Miño busca
compartir as inquedanzas da mocidade da comarca usando o teatro foro e o teatro
en espazos non convencionais. O eixo vertebrador desta proposta é a pregunta:
Que necesitamos as persoas mozas para imaxinar un plan de vida nas nosas vilas?
A iniciativa comezará cunha viaxe a Lugo do 28 de
agosto ao 4 de setembro, onde as persoas participantes crearán unha peza de teatro foro que se presentará en cada un dos concellos
da comarca durante o outono de 2024.
A segunda fase do proxecto comezará cuns
obradoiros creativos na Guarda, no Natal para crear unha serie de pezas breves que
serán representadas dentro de coches en diferentes espazos do Baixo Miño.
Este proxecto está coordinado pola asociación
FOCO e conta coa colaboración dos concellos da Guarda, Oia, O Rosal, Tomiño e Tui. Tamén coa Xunta de Galicia a través do Espazo Xove de Tui. Está cofinanciado pola Unión Europea e polo
tanto todas as actividades son de balde.
*4 PRAZAS DISPOÑIBLES POR CONCELLO*
REQUISITOS DE SELECCIÓN:
- Ter entre 18 e 25 anos.
- Residencia legal en España.
ATIVIDADES:
- Encontro preparatorio en xuño, previo á viaxe a Lugo (data exacta por determinar).
- Encontro en Lugo do 28 de agosto ao 4 de setembro de 2024.
- Obradoiros intensivos de teatro en decembro de 2024.
- Presentación das obras de teatro durante o curso 2023/2024
O PROCESO DE SELECCIÓN FARASE SEGUINDO OU SEGUINTE BAREMO:
- Residir no Concello de Oia, A Guarda, O Rosal, Tomiño ou Tui → ata 3 PUNTOS
- Ter experiencia teatral → ata 2 PUNTOS
- Motivación e experiencia para participar no proxecto → ata 8 PUNTOS
*TODOS OS GASTOS CUBERTOS POLO PROGRAMA ERASMUS+ (viaxes de ida/volta, aloxamento, comidas e actividades teatrais).
DATA LÍMITE DE INSCRICIÓN:
31/05/2024
Máis información:
FOCO: info@focoeuropa.com // 689 19 39 50
A Guarda: informacion@aguarda.es
Oia: aedl@concellodeoia.es
O Rosal: informacionxuvenil@orosal.gal
Tomiño: omix@tomino.gal
Tui: espazoxovetui.xuventude@xunta.gal
