Сябры, у суботу 23 ліпеня Арт Вандроўня запрашае Вас у аўтарскую вандроўку "На Княжую гару за Божым дарам.
Кобрын Траўгута" з экскурсаводкай Таццянай Хамянковай, ураджэнкай Кобрына.
Маршрут вандроўкі: Менск - Кобрын - аграсядзіба "Княжая гара" (Ляхчыцы) - Хабовічы - скансэн "Божы дар"(Ляскова) - Буховічы - Яромічы - Менск
Кобрын - горад шматлікіх цэркваў, богалюбных князёў, бліскучых перамог, знакамітых паўстанцаў і, безумоўна, выкшталцоных сыроў! Горад з утульным гістарыстарычным цэнтрам, багатай і супярэчлівай гісторыяй, незабыўнымі краявідамі.
З савецкіх часоў Кобрын асацыяваўся з імем расейскага
палкаводца Суворава, што між іншага жорстка душыў паўстанне Касцюшкі,
але мы адкрыем для сябе іншы Кобрын - уласна Касцюшкаў,
РамуальдаТраўгута і брата Адама Міцкевіча Аляксандра (дарэчы, даведаемся
пра асобу, што мела ўсе тры гэтыя прозвішчы).
Паехаць у незвычайнае захапляльнае падарожжа ў гэты горад маецца мінімум 5 прычын:
1 - кажуць, што ў Кобрыне самы высокі ў Еўропе малітоўны дом баптыстаў, невядома, ці так гэта зараз насамрэч, але для нашай экскурсаводкі ў любым выпадку Кобрын - найлепшы горад у Еўропе, у чым Таццяна і паспрабуе нас пераканаць;
2 - другі цэнтр Брэсцка-Кобрынскай епархіі - самай багатай колькасцю цэркваў на душу насельніцтва;
3 - трэцяя па велічыні сінагога ў Беларусі;
4 - чацвёрты па захаванасці гістарычны цэнтр у Беларусі;
5 - пяць прыпынкаў у Кобрынскім раёне:
- Ляхчыцы - вёска са сваім гербам і Княжая Гара - месца легендарнага спачыну мясцовай князёўны Вольгі, тут адбудзецца прэзентацыя кнігі "Рамуальд Траўгут - рыцар зямлі палескай" з аўтографсесіяй ад аўтара;
- вёска Хабовічы з прыгожай драўлянай царквой у гонар святой Вольгі;
- скансэн Божы Дар з шыкоўным музеем Рамуальда Траўгута, млыном-ветраком у працоўным стане і плантацыях галубіцаў-дурніцаў;
- вёска Буховічы з самай старажытнай царквой у раёне;
- вёска Яромічы з драўлянай двухзрубнай царквой канца 18 ст.
У падарожжы нас будзе суправаджаць Юрый Барысюк - гісторык, кобрынскі краязнаўца, аўтар кнігі "Рамуальд Траўгут - рыцар зямлі Палескай"
Унёскі на вандроўку з экскурсіяй, у тым ліку з наведваннем скансэна Божы Дар з музеем Рамуальда Траўгута ды іншых цікавостак - 65 бел. руб. - наяўнымі ў аўтобусе. Дадаткова аплачваецца абед на аграсядзібе - 15 бел. руб.
Выезд а 7-й гадзіне, вяртанне прыкладна а 23-й. Вандроўка плануецца на вялікім аўтобусе.
Запіс праз гэтую гугл-форму! Перад вандроўкай будзе паведамленая больш падрабязная інфармацыя. Калі ласка, калі пакідаеце е-мэйл, правярайце тэчку спам, лепш пакідаць 2 кантакты.
Уся дадатковая інфармацыя: 8-025-5458430 (viber), 8-044-5386283 (Валерыя), а таксама праз е-mail:
bielkultura@gmail.com.