Geagte Mullie ouers en leerders
Ons wil graag erkenning gee aan ons leerders wat buite skoolverband aan buitekurrikulêre aktiwiteite deelneem en presteer.
Leerders wat streeks, provinsiale en/of nasionale prestasies behaal het en verteenwoordigende drag ontvang het as erkenning, mag hierdie drag gedurende die eerste tot vierde kwartaal op ’n Vrydag skool toe dra. Die verteenwoordigende drag mag slegs gedra word in die jaar waarin die leerder die prestasie bereik het. In besonderse gevalle sal daar volgens meriete vergunning gemaak word waar kleure in die komende jaar gedra mag word. Die voorreg vir die dra van verteenwoordigende drag is nie vanselfsprekend nie en ouers/voogde word versoek om aansoek te doen by die sport- en/of kultuurorganiseerder om toestemming te verleen daartoe.
Drag:
Volle verteenwoordigende drag soos voorgeskryf deur die spesifieke provinsiale sportkode.
Indien 'n leerder slegs 'n gedeelte van die volle verteenwoordigende drag aankoop bv. 'n hemp, mag dit slegs saam met 'n swart kort- of langbroek gedra word. Geen kleefbroeke of denims nie. Slegs sporttekkies met wit enkelkouse mag gedra word. Indien 'n leerder nie die reëls nakom nie sal die leerder die vergunning verbeur om verteenwoordigende drag op Vrydae te dra. Kontrole word elke oggend op die aantreeblokke gedoen.
Erkenning:
Slegs leerders wat die onderstaande vorm voltooi en toestemming ontvang het vir die dra van provinsiale kleure sal erkenning ontvang aan die einde van die jaar.
Voltooi asb. die onderstaande vorm indien u aansoek wil doen vir die vergunning om verteenwoordigende sport- en/of kultuurdrag skool toe te dra op Vrydae gedurende die tweede en derde kwartaal.
Vir enige inligting kontak:
Jaco Groenewald - jaco@mullies.net
Chantelle Lombaard - chantellel@mullies.net
Mullie Groete