“Бүгд залуусын төлөө, Залуус бүгдийн төлөө” төслийн хүрээнд залуучуудын Иргэний нийгмийн байгууллагуудын чадавхыг бэхжүүлэх, залуучуудын асуудлаар нөлөөлөл, судалгаа хийх замаар засаглал, шийдвэр гаргалт, төрийн бодлогын хэрэгжилтэд залуучуудын оролцоог нэмэгдүүлэх, нөлөөллийн ажилд технологийн дэвшил ашиглах боломжийг танилцуулах, түгээн дэлгэрүүлэх зорилгоор “Виртуал технологийг ашиглан хэрхэн бүтээлчээр нөлөөллийн ажил хийх вэ?” сэдэвт төслийн уралдааныг Иргэний нийгмийн байгууллагуудын дунд зарлаж байна.

Уралдааны хугацаа: 2021 оны 11 сарын 22-ны өдрөөс 12 сарын 11-ний өдөр хүртэл 2 үе шаттайгаар зохион байгуулагдана.
I шат
● 11 сарын 22: Уралдааныг олон нийтэд нээлттэй зарлана
● 11 сарын 24: VR технологийн ерөнхий мэдлэг, мэдээлэл олгох цахим сургалт
● 11 сарын 30: Эхний шатны төслийн санал хүлээн авах хугацаа
II шат
● 12 сарын 1: II шатанд шалгарсан 10 байгууллагыг зарлана
● 12 сарын 4,5: VR технологийн анхан шатны сургалт
● 12 сарын 10: Төслийн саналыг сайжруулж, эцсийн байдлаар боловсруулах
● 12 сарын 11: Уралдааны ялагчдыг тодруулах