O #LAIC de Coruña Dixital ofrece  unha sesión formativa e moi práctica da man da Fundación porCausa, conformada por importantes profesionais da comunicación.

A actividade está dirixida a calquera persoa con interese en combater os discursos negativos e de odio vinculados ao fenómeno das migracións e, dun modo especial, para a xente do xornalismo, da comunicación e para quen estea involucrada profesionalmente ou como activista en temas de migración.

Baixo o nome de #Migratón, esta proposta pretende dotar de ferramentas ás participantes coas que darlle a volta ao relato negativo, traballando desde a creatividade e xerando novos marcos narrativos. Isto farase abordando cos participantes a naturalización, a visión de futuro e a riqueza cultural das migracións, incorporando ao traballo que se desenvolva na sesión a perspectiva local.