E toru ngā akomanga o Te Rumaki Reo o Te Waitītiko kei te taumata 1, arā, te taumata rumaki ngā ākonga.  Ka whakatau te tumuaki me te poari i te tapeke o ngā tamariki i ia tau. Ka kore te tapeke o ngā ākonga e hipa i te 54. Ka uia ngā kaitono katoa e ngā kaiako Rumaki kia aromatawaihia ai te taumata o te reo Māori.
Ka hāngai te rēhitatanga o ngā kaitono ki ngā take mātāmua e whai ake nei:

Te Take Mātāmua Tuatahi - Me hāngai te taumata reo Māori ki te taumata o te akomanga, arā, te rumaki - taumata tahi ka aromatawaihia e te kura. Ka inehia te taumata o te reo mā te whakamahi i tētahi āwhata i te 0 ki te 5. Ko te kaitono kei te taumata o te 0, kāore ōna reo Māori, ā, ko te kaitono kei te taumata o te 5, kei ngā taumata tiketike o te reo

Te Take Mātāmua Tuarua - Ngā tēina, ngā tuāhine, ngā tungāne rānei o ngā tauira o nāianei, ngā ihuputa anō hoki

Te Take Mātāmua Tuatoru - Ngā ākonga e rua tau hemihemi te roa o tana noho ki tētahi o ngā akomanga reo Māori i Te Rehu, i Ritimana, i Waiatarau, i Te Kura a Rito o Newton, hei wāhanga mō Te Kāhui o Te Waitematā, kua whakatutuki rānei i tētahi tau i te hōtaka reo i Te Waitītiko

Te Take Mātāmua Tuawhā - Tētahi o ngā tamariki a ngā kaiako o te kura, a ngā mema rānei o te poari

Te Take Mātāmua Tuarima - Kua whai wāhi ngā tamariki ki ngā rumaki nō kura kē atu i aua kura kua tohua kētia

Ko te tuawaru o Hepetema 2023, ā te 3.00 pm, te wā kati mō ngā tono rumaki. Ā muri i tēnei, ka whakapā atu mātou ki ngā whānau kia whakaritea he wā uiui kia aromatawaihia te reo Māori o te ākonga. Ka whakamōhio atu ki ngā kaitono te whakataunga o te tono ā te Mane, te rua tekau mā rima o Hepetema.