參加之前,用5分鐘睇吓說明。「讀者閱讀獎勵計劃」是咁的:
+++++++
本計劃目的:
為咗鼓勵讀者閱讀實體書、同時令作者更加有動力創作,促進人與人之關嘅聯繫,令世界更美好
真正目的:
讀者講真話,作者知道自己有咩好、有咩衰,有讚有彈,人類先至唔會重覆犯過嘅錯
+++++++
參加辦法:
1. 填寫表格話想參加
2. 選擇你想睇嘅「漫讀原力」作品,同埋講吓點解想睇呢本作品
3. 被選中嘅讀者名單會喺官方FB/IG公佈,然後讀者會收到我哋寄出嘅書
4. 睇書,寫書評
5. 將書評發表喺你有玩開嘅社交平台,然後貼LINK畀我哋(唔限一個社交平台,最好貼晒去咁多個你有玩開嘅SNS,多謝)
6. 點評吓本書有咩好、有咩唔好,例如係會唔會推介畀朋友睇、會唔會再睇呢個作者嘅作品之類。
7. 發表書評嗰陣TAG番 #漫讀文化 #漫讀原力 #作者名 #作品名,最好梗係貼埋我哋貼網站條LINK。
8. 朋友PO同地球PO都冇咩所謂,隨意就得
+++++++
參加費用:
全免
只會用咗你睇書同寫書評嘅時間
+++++++
截止報名日期:2022年5月7日
寄出書刊日期:2022年5月10日
+++++++
免責聲明:
1. 如果被選中嘅讀者收到書,但係唔寫書評、唔發表嘅話,我哋都唔會追究。送書畀被選中嘅讀者,係我哋自願嘅。
2. 如果被選中嘅讀者收唔到書,請同我哋聯絡。
3. 是次活動冇任何賭博成份。
4. 反應好唔好都會再搞第二回。
5. 是次活動所收集個人資料只供聯絡使用,活動後三個月將銷毀記錄。而且,唔會向作者及任何人透露報名人士嘅資料。
6. 是次活動,漫讀文化有最終解釋權。
+++++++
Q & A 喺最後一頁。