GEJ, JEFO, KEJ, LEJO kaj PEJ ricevas subvencion de Erasmus+ por realigi projekton pri daŭripova transporto. La projekto havos la formaton de la vojaĝkonkurso "Esperanto senlime". Ĝi okazos inter la 8-a kaj 17-a de aŭgusto 2024 inter Berlino (Germanio) kaj Vilno (Litovio). Por ĝi ni serĉas 25 de junuloj inter 18 kaj 30 jaroj.

Ĉi tiu vojaĝkonkurso estos la dua sezono de la unua Esperanto televidserio Esperanto senlime. En ĉi tiu aventuro, la partoprenantoj konkuros en teamoj por gajni pli da poentoj alfrontante defiojn. Ĉu vi volas esti la gajninto de la dua sezono de la plej freneza projekto de Esperantujo kaj iĝi fama en nia komunumo? Partoprenu!