ລະບຽບ ແລະ ເງື່ອນໄຂໃນການຝຶກອົບຮົມ *
ກົດລະບຽບພື້ນຖານ: ຫ້າມບໍ່ໃຫ້ໃຊ້ໂທລະສັບ ຫຼື ແລັບທອບ (laptop) ໃນເວລາເຂົ້າຮ່ວມການຝຶກອົບຮົມ ແຕ່ຖ້າຈໍາເປັນຕ້ອງໄດ້ລົມໂທລະສັບ ຫຼື ໃຊ້ແລັບທອັບ (laptop) ແມ່ນຈະອະນຸຍາດ ໃຫ້ອອກໄປລົມ/ໃຊ້ຢູ່ຂ້າງນອກ. ຍົກເວັ້ນໃນກໍລະນີທີ່ຄູສອນໃຫ້ໃຊ້ ທີ່ກ່ຽວຂ້ອງກັບການຝຶກອົບຮົມ. ໃຫ້ປິດສຽງໂທລະສັບ ຫຼື ໃຊ້ສຽງສັ່ນ ເພື່ອບໍ່ໃຫ້ເປັນການ ລົບກວນການຝຶກອົບຮົມ. ເງື່ອນໄຂ ແລະ ມາດຕະຖານໃນການຮຽນ: ເພື່ອຮັບປະກັນປະສິດທິພາບ ແລະ ມາດຕະຖານໃນການຮຽນ ຜູ້ເຂົ້າຮ່ວມຕ້ອງປະຕິບັດຕາມເງື່ອນໄຂດັ່ງລຸ່ມນີ້: 1. ຕ້ອງເຂົ້າຮ່ວມຊົ່ວໂມງຮຽນທຸກພາກບໍ່ໃຫ້ຂາດ ແລະ ຕ້ອງໄດ້ເຮັດບົດຝຶກຫັດພາກທິດສະດີ ແລະ ປະຕິບັດຕົວຈິງຕາມການກໍານົດ ແລະ ມີຄະແນນບໍ່ຫລຸດ 70% ຈື່ງຈະຜ່ານ; 2. ຖ້າຂາດຮຽນ 2 ບົດ ດ້ວຍຄວາມຈໍາເປັນ ແລະ ມີເຫດຜົນ ແມ່ນຈະອະນຸຍາດໃຫ້ຮຽນຄືນບົດທີ່ຂາດໃນຊຸດຕໍ່ໄປໂດຍບໍ່ເສຍຄ່າຮຽນເພີ່ມ; 3. ຖ້າຂາດຮຽນ 3 ບົດຂຶ້ນໄປ ຖືວ່າຈະສະຫລະສິດ ແລະ ຕ້ອງໄດ້ມາລົງທະບຽນຮຽນຄືນໃຫມ່ໃນຊຸດຕໍ່ໄປ ແຕ່ຜູ້ເຂົ້າຮ່ວມຕ້ອງໄດ້ຮັບຜິດຊອບ ຄ່າໃຊ້ຈ່າຍ ໃນການລົງທະບຽນຮຽນໃໝ່. ຫມາຍເຫດ: ໃບຢັ້ງຢືນຈະອອກໃຫ້ໄດ້ກໍ່ຕໍ່ເມື່ອຜູ້ເຂົ້າຮ່ວມສາມາດປະຕິບັດໄດ້ຕາມເງື່ອນໄຂທັງຫມົດ 3 ຂໍ້ທີ່ລະບຸໄວ້ຂ້າງເທິງນີ້ກ່ອນເທົ່ານັ້ນ. ເງື່ອນໄຂອື່ນໆ: ຜູ້ເຂົ້າຮ່ວມ ຈະຮັບຜິດຊອບອຸປະກອນເຄື່ອງຂຽນ ແລະ ອາຫານທ່ຽງດ້ວຍຕົນເອງ; ຜູ້ເຂົ້າຮ່ວມຕ້ອງມາໃຫ້ຕົງຕາມເວລາ ເພື່ອໃຫ້ທັນກັບບົດຮຽນ. ກົດລະບຽບປ້ອງກັນ Covid-19: ເພື່ອສຸຂະພາບ ແລະ ຄວາມປອດໄພຂອງຜູ້ເຂົາຮ່ວມ, ເພື່ອປ້ອງກັນການແຜ່ລະບາດຂອງເຊື້ອພະຍາດ Covid-19 ຜູ້ເຂົ້າຮ່ວມທຸກທ່ານ ຕ້ອງໄດ້ ປະຕິບັດ ກົດລະບຽບ: ກວດອຸນະພູມຮ່າງກາຍທຸກເຊົ້າກ່ອນເຂົ້າຮ່ວມຝຶກອົບຮົມ, ຖ້າທ່ານໃດມີອາການດັ່ງລຸ່ມນີ້ ແມ່ນຈະບໍ່ອະນຸຍາດ ໃຫ້ເຂົ້າຮ່ວມ ການຝຶກອົບຮົມ: 1. ມີອຸນະພູມສູງກວ່າ 37.5 ອົງສາ C; 2. ມີອາການໄອ ແລະ ຈາມຕໍ່ເນື່ອງ ແລະ/ຫລື ມີອາການອື່ນໆທີ່ກ່ຽວຂ້ອງກັບທາງເດີນຫາຍໃຈບໍ່ປົກກະຕິ (ໃຫ້ຈອງມາຮຽນຊຸດຕໍ່ໄປຕາມຄວາມສະດວກ ຫລື ປ່ຽນບຸກຄົນອື່ນເຂົ້າແທນ).