Сябры, у панядзелак 7 чэрвеня запрашаем вас на 4-ю сьпеўную-zoom сустрэчу з Сержуком Сокалавым-Воюшам, Тацянай Грыневіч і бардам, фалькларыстам Аляксеем Галічам.

Гэтым разам мы працягнем гаворку мінулага зума пра беларускае Адраджэньне 80-90 гадоў XX ст. - адраджэньне гістарычнай памяці, культуры, мастацтва, фальклёру. Моладзевыя аб'ядананьні канца 80-х. Купальлі, Гуканьні вясны, Каляды. Мастацкія суполкі і пэрфомансы. Адкрыцьцё Вільні, як гістарычнай сталіцы і яе каштоўнасьці для беларусаў. Вяртаньне памяці пра несавецкую Беларусь, захаваную ў беларускім Замежжы. Пошук там гістарычных матар'ялаў, нотаў, інфармацыі пра забытых на Радзіме асобаў. Сьпевы Данчыка як асобная культурніцкая зьява. Захаваньне архітэктурнай спадчыны.  

У межах сьпеўнай сустрэчы прагучаць тагачасныя аўтарскія песьні Сержука Сокалава-Воюша ды іншыя сьпевы, тэматычна зьвязаныя з тым перыядам.

Пачатак мерапрыемства ў 20-00!

Запіс праз гэтую гугл-форму. Спасылка на zoom прыйдзе за 2 гадзіны да пачатку  (калі ласка, каб не прапусьціць інфармацыю, пакідайце як мінімум 2 кантакты, а калі пакідаеце е-мэйл,  абавязкова правярайце "спам").

Калі ў Вас будзе жаданьне  аддзячыць вядоўцам ды арганізатарам, гэта можна будзе зрабіць пераводам любых сродкаў на картку ці данатамі. Будзем удзячныя!