Og̃uahẽ mboyve jasypoapy, jasy ojegueromandu'aha guarani ñe'ẽ ára, rojapose peteĩ maratón ñe'ẽasa rehegua. Upevarã rohekami 31 yvypóra ikatúva oiporavo peteĩ mombe'urã mbyky ombohasa hag̃ua guaraníme, térã ikatu avei mombe'urã oĩ ypýva guaraníme ha oñembohasa castellano-pe. Oñembojere hag̃ua mombe'urã ojeguerekóta tiempo 31 jasypokõi meve. Jasypoapy ára peteĩha guive ára pahaite peve oñemoherakuãta AKA rendápe peteĩteĩ umi mombe'urã oñembohasava'ekue jehaipyre ha mba'erendurã rupive. Ijykére ñamoĩkuaa avei peteĩ ta'ãngamýi mbykymi (video) oñe'ẽhápe ñe'ẽasahára omombe'úvo ko'ã mba'e:
- Mávapa ha'e ha moõgua.
- Mba'érepa oiporavo upe mombe'urã.
- Peteĩ térã mokõi apañuái ojuhuva'ekue omoñe'ẽasakuévo.
- Mba'éichapa omyatyrõ apañuái ojuhúva.
Roipeirũ reike hag̃ua ko tembiapo guasúpe.
*Mombe'urã rembohasáva ha'eva'erã de dominio público*