«ՈւսուցչաՏուն» ուսուցիչների ակումբի անդամակցության հայտ
👩🏫👨🏫 «ՈւսուցչաՏուն» ուսուցիչների ակումբում իրականանալու են մասնագիտական քննարկումներ, լավագույն փորձի փոխանակում, համագործակցություն գործընկերների հետ:
Ակումբի անդամները հնարավորություն կունենան ✅ հանդիպել ոլորտի լավագույն ներկայացուցիչների հետ, ✅փորձի փոխանակման այցեր իրականացնել տարբեր դպրոցներում, ✅ ոչ ֆորմալ միջավայրում և մեթոդներով մասնագիտական աճ ունենալ:
❗️ Ակումբը ստեղծում է «Արմավիրի զարգացման կենտրոն » հասարակական կազմակերպությունը «Քաղաքացիական հասարակության դերի բարձրացում Արմավիրի մարզում» ծրագրի շրջանակներում:
🔵 Ակումբի գործունեության նպատակն է նպաստել հանրակրթության ոլորտում կրթական խնդիրների վերհանմանը ու լուծումների մշակմանը՝ ուշադրություն դարձնելով խտրականության և բռնության թեմաներին ու դրանց դեմ տարվող պայքարին:
Առկա են չորս ռազմավարական ուղղություններ.
☑️ Գրագողության դեմ պայքար,
☑️ Մեդիագրագիտության և քննադատական մտածողության ձևավորում,
☑️ Բռնության և խտրականության դրսևորումների դեմ պայքար,
☑️ Ներառական կրթության խթանում, հատկապես եզդի աղջիկների, Արցախից տեղահանված երեխաների և հաշմանդամություն ունեցող անձանց շրջանում:
Ակումբին անդամակցության համար կարող են դիմել Արմավիրի մարզի բոլոր ուսուցիչները՝ լրացնելով հայտը:
💟 Մեր միակ պայմանն է՝ ժամանակ տրամադրել ակումբական հանդիպումների համար: