ԱՄՆ պետքարտուղարության կողմից ֆինանսավորվող և Փրոջեքթ Հարմոնի Ինթերնեշնլ կազմակերպության կողմից (
www.ph-int.org) իրականացվող «Տավուշում կրթական-տեղեկատվական դասընթացներ ծրագրի» (AM Tavush Outreach Program) շրջանակում «Ամերիկյան գրադարան և դասընթացների կենտրոն»-ում Մեդիա նախաձեռնությունների կենտրոնի հետ համատեղ անվճար հիմունքներով կազմակերպվում է Վիդեոբլոգինգի դասընթաց այն անձանց համար, որոնք հետաքրքրված են վիդեոբլոգինգով, ցանկանում են ունենալ սեփական տեսաալիք կամ զարգացնել իրենց գիտելիքները ու կարողություններն այս ոլորտում:
Դասընթացին կարող են դիմել
-
վիդեոբլոգինգով և լրագրությամբ հետաքրքրված 18 և բարձր տարիքի անձինք, որոնք ունեն համակարգչից և ինտերնետից օգտվելու հմտություններ, ինչպես նաև սմարթ հեռախոս:
-
Գրանցման վերջնաժամկետն է 2021 թ. փետրվարի 2-ը, ժամը 18:00:
Դասընթացը կիրականացվի փետրվարի 5, 6, 7 2021 թ.: Կլինեն սուրճի և սննդի ընդմիջումներ:
Դասընթացի արդյունքում մասնակիցները
-
Կծանոթանան վիդեոբլոգինգին,
-
Կսովորեն տեխնիկայից օգտվելու կարևոր հմտություններ,
-
Կսովորեն ճիշտ և գեղեցիկ վիդեոներ պատրաստելու սկզբունքները,
-
Կստանան վիդեոմոնտաժի ծրագրերի հետ աշխատելու հիմնարար գիտելիքներ:
Դասընթացը բաղկացած է 3 փուլից.
1.
Բուն դասընթաց, որի ընթացքում տեսական սեսիաների և գործնական վարժությունների միջոցով դասընթացավարները կաշխատեն մասնակիցների հետ,
2.
Տնային առաջադրանքի իրականացում. մասնակիցները կընտրեն իրենց առաջարկված թեմաներից մեկը և դասընթացին հաջորդող մեկ շաբաթվա ընթացքում կպատրաստեն դրա վերաբերյալ իրենց վիդեոնյութը` տեղադրելով այն Յութուբում պատրաստած իրենց տեսաալիքում:
3.
Դասընթացավարները կուսումնասիրեն պատրաստված վիդեոներն ու դրանց վերաբերյալ խորհուրդներ և կարծիք կներկայացնեն հեղինակներին:
Կենտրոնր տրամադրում է դասընթացի բոլոր ուսումնական նյութերը, իսկ դասընթացի վերջում դասընթացը հաջողությամբ ավարտելու հավաստագիր կստանան միայն տնային առաջադրանքն ավարտած մասնակիցները:
ԿԱՐԵւՈՐ. Դասընթացը հաջողությամբ ավարտած մի քանի լավագույն մասնակիցները ամռանը հնարավորություն կունենան մասնակցելու Դասընթացավարների կարճատև դասընթացի և հետագայում հնարավորություն կստանան հանդես գալ որպես վճարովի դասընթացավար, ծրագրի շրջանակում վարելով նույն թեմայով դասընթացներ այլ խմբերի համար:
