辛苦搵來志在食,打工仔最期待嘅莫過於每月嘅出糧日子,每月嘅出糧日就好似既定程序一樣,但大家有冇諗過自己既薪水係咪合理呢?在封閉式的薪酬制度底下,你嘅人工係咪同你既職位和能力掛鉤呢?
酒店工會希望透過薪酬調查,來製作薪金中位數表,以穩定薪金和減少員工被剝削的機會。
暗盤競價其實係招聘時已經出現,在資本主義市場下,人工被壓到合乎公司既利益?如何制止剝削發生?就係要定義等級工資中位數,而中位數應按物價和市場價格提升。
另外,合約長工的大眾們,千萬別睇小炒散剝削對自身和市場帶來的影響,炒散和長工其實是唇齒相依,僱主會將長工和炒散的薪金作對比,炒散的剝削會造就長工被剝削的空間。
炒散員工是按僱主需要而招聘,他們控制員工數量的流動性,為了減省開支,剝削炒散的福利,以低價按時鐘計價,無償OT,僱主從中榨取利益;將炒散的薪水提升,有利長工對福利的爭取。