මේ ආර්ථික අර්බුදය නිසා මහදැනමුත්තට හරිම ප්‍රශ්න. අහස පොළව ගැටලන්න වගේ කල්පනා කරනවා. ඒ විතරක්ද? මහදැනමුත්තාගේ අලුත් ගෝලයෝ ටික එයාගේ ඔලුව තව තවත් අවුල් කරනවා.

පුවක් බඩිල්ලි මේ තියෙන ආර්ථික අර්බුදයට බැන බැන දූෂණයට චෝදනා කර කර සම්පූර්ණයෙන්ම මේ තියෙන ක්‍රමය වෙනස් වෙන්න ඕන කියනවා. ඒ වගේ වෙනසක් ඇත්තටම සිද්ධ වෙනකම් පාරට බහින්නත් පුවක් බඩිල්ලි දෙපාරක් හිතන්නේ නෑ. අබ්දුල් නානා නම් හිතන්නේ අපිට ගොඩ යන්න පුළුවන් පෞද්ගලීකරණය කලොත් තමයි කියලා. ඒ වුණාට උසි අම්මා කියනවා රජය හැමදාම අත්‍යවශ්‍ය සේවා නොමිලේ ලබා දෙන්න ඕන කියලා. ඔය අතරේ රබ්බඩ අයියා කෑ ගහලා කියනවා මේ හැමදේම සැලසුම් කරලා කරපු ජාත්‍යන්තර කුමන්ත්‍රණයක් කියලා. පොල්බෑමූණිගේ අදහස තමයි අපේ ණය ප්‍රතිව්‍යුහගත කරලා, හරියට බදු ගෙවලා, අපිට වියදම් කරන්න පුළුවන් තරමට වඩා වැඩියෙන් වියදම් කරලා ලබා ගන්න ඕන ජීවිතයක් ගෙවන එක නවත්වන්න ඕන කියලායි. මේ හැම දෙනාම එක එක අදහස් හින්දා තමන්ගේ යාලුවොත් එක්ක රණ්ඩු වෙනවා. හරි හමන් අදහසක් නැති නිසා හැමෝටම තියෙන්නේ සැකයක්. ඒත් එක්කම මේ රණ්ඩු නිසා යාළුකමත් නැති වෙන්නයි යන්නේ. ඉතිං ඔයාලට පුලුවන්ද ඇත්තටම තියෙන ප්‍රශ්න තේරුම් අරගෙන ඒකට ගැළපෙන විසඳුම් දෙන්න මහදැනමුත්තට උදව් කරන්න? මහදැනමුත්තගේ අලුත් ගෝලයෝ ටිකයි ආර්ථිකයයි දෙකම රැක ගන්න මහදැනමුත්තට උදව් කරන්න ඔයාට පුූලුවන්ද?

ඇඩ්වොකාටා ආයතනය Power of Play එකත් එක්ක එකතු වෙලා මහදැනමුත්තට උදව් කරන්නයි හදන්නේ. අපේ රට ඇතුලේ ආර්ථිකය ගැන මිනිස්සුන්ට කියලා දෙන්න මහදනමුත්තා දරන උත්සාහයට උදව් කරන්න ඇඩ්වොකාටා ආයතනය Power of Play එකත් එක්ක ලෑස්ති වෙනවා. ඔන්න ඔයාලටත් සුවිශේෂී අවස්ථාවක් ලැබිලා තියෙනවා අපිත් එක්ක එකතු වෙන්න.

ඔන්ලයින් මාර්ගයෙන් තියෙන මේ සමීක්ෂණය සැලසුම් කරලා තියෙන්නේ අවුරුදු 18 ඉඳලා 35 දක්වා පුද්ගලයින් වෙනුවෙන්. ඒකෙන් කරන්නේ තරුණ තරුණියින්ගේ ආර්ථික සාක්ෂරතාවය / ආර්ථිකය ගැන තියෙන දැනුම මොන වගේද කියලා මැනලා බලන එක. මෙම සමීක්ෂණයට සහභාගී වෙලා ඔයාට පුළුවන් ඔයාගේ අදහස් අපිට කියන්න වගේම Power of Playවල තියෙන විශේෂී නාට්‍ය පාදක ඉදිරිපත් කිරීම් හරහා ආර්ථික අවබෝධය වැඩිදියුණු කරන්න ක්‍රියාකාරීව දායක වෙන්න.

සමීක්ෂණයේ තියෙන ප්‍රශ්නවලට උත්තර දෙන්න ඔයාලට යන්නේ මිනිත්තු පහක් වගේ කාලයක්. සිංහල, දෙමළ සහ ඉංග්‍රීසි කියන භාෂාව තුනෙන්ම ප්‍රශ්නාවලිය තියෙන නිසා ඔයාට අදහස් ප්‍රකාශ කරන්න වඩාත්ම පහසු භාෂාවක් තෝරා ගන්න අවස්ථාව තියෙනවා. ඒ වගේම සමහර ප්‍රශ්නවලට උත්තර එකකට වඩා තෝරා ගන්නත් පුළුවන්.

ඔයාලා ලබා දෙන හැම උත්තරයක්ම සම්පූර්ණයෙන්ම නිර්නාමිකව තියෙන්නේ. කාටවත් මේ කවුරු දුන්න උත්තරයක් ද කියලා පේන්නේ නෑ. ඔයාගේ පෞද්ගලිකත්වය සහ රහස්‍යභාවය අපට ඉතා ම වැදගත්. ඔයාලා ලබා දෙන සෑම තොරතුරක් ම පාවිච්චි වෙන්නේ පර්යේෂණ අරමුණුවලට විතරමයි.

ඉතිං මේ සමීක්ෂණයට සහභාගී වෙලා ඔයා කරන්නේ ආර්ථික සාක්ෂරතාවයට / ආර්ථිකය ගැන දැනුවත් භාවයට දායක වෙන එක විතරක්මත් නෙවෙයි. අපේ රටේ ජනතාවගේ අනාගතය හැඩගස්වන්නත් ඔයාලගෙන් ක්‍රියාකාරී කාර්යභාරයක් ඉටු වෙනවා. ඇත්තටම ඔයාලා ලබා දෙන සහයෝගයට මහදැනමුත්තා හැමදාමත් ස්තූතිවන්ත වෙනවා.