II Andaina Musical da EMM
Sábado 13 de maio de 2023
 
A Escola Municipal de Música celebrará o 13 de maio a segunda Andaina Musical. Esta iniciativa propón á comunidade educativa do centro unha actividade que conxugue a música e o contacto co medio ambiente, que serva ao mesmo tempo para achegar á cidadanía o traballo realizado na Escola durante o curso.
 
A Andaina dará comezo ás 10h na entrada principal do Multiusos do Sar, e realizará un percorrido ao longo das seguintes localizacións: sendeiro das Brañas do Sar, parque Eugenio Granell, senda do río Sar, paseo do bosque do Carballo de Conxo, e rematará no merendeiro do Banquete de Conxo. Durante o traxecto terán lugar diferentes actuacións musicais en distintos enclaves do mesmo.
 
 
A actividade está aberta á cidadanía maior de 6 anos, sendo necesario que os menores de 10 anos estean acompañados por unha persoa adulta responsable deles. Para participar na Andaina é imprescindible anotarse ben na secretaría da Escola, ben por medio do formulario que pode atopar na nosa páxina web. O prazo para anotarse remata o mércores 3 de maio.