Müsabiqə aşağıda göstərilən mərhələlər üzrə həyata keçirilir.
1. Birinci mərhələ: ilkin müraciətlərin qiymətləndirilməsi. İlkin müraciətlərin qiymətləndirmə prosesində üstünlük verilən və növbəti mərhələyə dəvət alan namizədlər aşağıdakılardır:
· Əyani bakalavr təhsili alan təhsilinin sonuncu kurs tələbələri;
· Qiyabi və ya magistr təhsili alan tələbə;
· Ali, orta və peşə ixtisası üzrə məzunlar;
· İşsiz şəxslər;
· İş yerində İnformasiya və Kommunikasiya Texnologiyaları (İKT) sahəsi üzrə ixtisasını artırmaq istəyən şəxslər;
· İş profilini digər sahədən İKT sahəsinə dəyişmək istəyən şəxslər.
· Qiymətləndirmə iki mərhələdə müsabiqə və müsahibə mərhələsində həyata keçirilir.
2. İkinci mərhələ: İmtahan/Test. Tədris proqramından asılı olaraq fərqli imtahan növü tətbiq olunur. İmtahan zamanı namizədin ümumi bilik səviyyəsi yoxlanılır, analitik qabiliyətləri ölçülür və təlimə uyğunluğu müəyyən edilir. Müraciət etdiyi tədris proqramı üçün nəzərdə tutulan təməl biliklərə sahib olan namizədlər növbəti mərhələyə keçir.
3. Üçüncü mərhələ: Müsahibə. Bu mərhələdə namizədin şəxsi keyfiyyətləri, təlim motivasiyaları, ümumi dünyagörüşü və komandada iş bacarıqları qiymətləndirilir. Bu mərhələni uğurla başa vurmuş şəxslər müsahibənin nəticəsindən asılı olaraq 100% təqaüddən yararlanır.