"Բազմազանություն" սոցիալ-մշակութային, մարդասիրական ՀԿ-ն իրականացնում է «ԼԳԲՏՔ+ ԱՆՁԱՆՑ ՆԵՐԳՐԱՎՎԱԾՈՒԹՅՈՒՆԸ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆԸ» թեմայով հետազոտություն։ Հետազոտության նպատակն է բացահայտել ԼԳԲՏՔ+ մարդկանց պատկերացումները, վերաբերմունքն ու համոզմունքները էկոլոգիական խնդիրների նկատմամբ և ուսումնասիրել այդ խնդիրների լուծման գործընթացում
ԼԳԲՏՔ+ մարդկանցներգրավվածությանն առնչվող հարցերը։
Հետազոտության խնդիրներն են՝
Ուսումնասիրել ԼԳԲՏՔ+ անձանց իրազեկվածության մակարդակը բնապահպանական խնդիրների վերաբերյալ։
Ուսումնասիրել բնապահպանության ոլորտում ԼԳԲՏՔ+ անձանց ներգրավվածությանն առնչվող հարցերը։ Արդյոք ՍԿԳԻ-ն կարող է պատճառ հանդիսանալ նրանց ներգրավվածությանը բնապահպանական շարժումներին և որոշումների կայացմանը։ Եվ արդյոք ՍԿԳԻ հիմքով խտրականությունն է պատճառ հանդիսանում նրանց ինքնաներգրավվմանը։
Բացահայտել բնապահպանության ոլորտի շահակիցների (ԼԳԲՏՔ+ անձանց) մոտեցումները,
դիրքորոշումները բնապահպանական հիմնախնդիրների` աղտոտվածության հետևանքների, սննդային առանձնահատկությունների, բնապահպանական հիմնախնդիրների լուծումների վերաբերյալ։
Քարտեզագրել ՀՀում բնապահպանական հիմնախնդիրների լուծման հնարավոր պլան ԼԳԲՏՔ+ անձանց առաջարկությունների հիման վրա։
Հետազոտության ակնկալվող արդյունքները․
Արդյունքում՝ ՀՀում բնապահպանական հիմնախնդիրների լուծման աշխատանքներում ԼԳԲՏՔ+ անձանց ներգրավվածության վերաբերյալ առաջնային, նկարագրական բնույթի հետազոտության հիման վրա ակնկալվում է առաջ բերել երկխոսություն, որը հիմք կհանդիսանա նախաձեռնելու առավել ընդգրկուն հետազոտություն սույն հիմնախնդրի առնչությամբ, ինչպես նաև հետազոտության արդյունքում վեր հանված հիմնախնդիրների հիման վրա՝ առաջարկությունների փաթեթի մշակում և ներկայացում շահակիցներին։
Հարցաշարում ներառված այն հարցերը, որոնք պարունակում են անձնական տվյալներ կոնֆիդենցիալ են, այսինքն դրանք օգտագործվելու են միայն «Բազմազանություն» Սոցիալ-Մշակութային, մարդասիրական ՀԿ-ի այն աշխատակցի(ների) կողմից, որոնք իրականացնում են հետազոտությունը և ենթակա չեն այլ՝ երրորդ անձանց փոխանցման։ Ինֆորմացիայի արտահոսքի դեպքում պատասխանատվություն կրում է ՀԿ-ն։
Ինֆո
ngo.diverscity@gmail.com(+37495) 793507