Kragamót grunnskóla í skólaskák 2024 fer fram þriðjudaginn 23. apríl í fjölnota íþróttahúsinu Miðgarði í Garðabæ á 3. hæð.

Teflt er í 3 einstaklingsflokkum:

1-4. bekkur kl: 16:30
5-7 bekkur, kl: 16:30
8-10 bekkur kl. 17:30
reiknað er með að hver flokkur taki uþb. 1,5 til 2 tíma.

Hver skóli af svæðinu getur sent 2 keppendur í hvern flokk óháð skákstigum. Að auki geta allir þeir sem hafa skákstig eða eru sendir af skákþjálfurum félaganna verið með.  

Umferðarfjöldi og tímamörk verða tilkynnt á mótsstað en má gera ráð fyrir 5-7 umferðum í hverjum flokki með umhugsunartíma 5 mínútur  + 2 sek á leik á mann.

Skráningarfrestur er til kl. 22, mánudaginn, 22. apríl. Verðlaun fyrir 3 efstu sætin í hverjum flokki. Sigurvegari hvers flokks fær keppnisrétt á Landsmótinu í skólaskák sem fram fer á Akureyri í byrjun maí.

Nánari upplýsingar gefur skákstjóri Páll Sigurðsson. (8603120) tg@tafl.is.