Оҕо көмүскэлин күнүн туһунан викторина
"Умнуллубат оҕо саас"
Сүүрэр-көтөр туллуктар,
Өрө дайар лыахчааннар,
Кыталыктыыр кыргыттар
Көрүлүүллэр тэлээрэ.
Бойборуһар Боотурдар,
Хорсун хоодуот Хотойдор,
Буурдаан өрө көтөллөр
Бөкүнүһэн ылаллар.
Күҥҥэ тэҥнээх көмүстэр
Күөрэгэйдиир чыычаахтар,
Көрү-нары тартылар
Күлэн-үөрэн тэйдилэр.
Мэник-тэник оҕо саас,
Ойуоккалыыр ойор саас,
Оһуор тэбэр кэрэ саас,
Умнуллубат оҕо саас.
Кэрэ кэмнэр кэллиннэр
Кэрэхсэтэ үөртүннэр,
Кэнэҕэски ыччакка
Кэрэни үксэттиннэр.
Тупсууна. Нам