ბუთქემფის სააპლიკაციო ფორმა
ბრიტანეთის საბჭოს პროექტ "შემოქმედებით ნაპერწკალის" ფარგლებში, ბიზნესისა და ტექნოლოგიების უნივერსიტეტი ჰენლის ბიზნეს სკოლასთან პარტნიორობით აცხადებს მიღებას ბუთქემფში მონაწილეობის მსურველთათვის.
ბუთქემფის ინტენსიური სესიების დროს, სტარტაპერები იმუშავებენ იდეისა და ბიზნეს გეგმის სრულად დახვეწაზე, პრეზენტაციისა და მონაწილეობას მიიღებენ ფიჩის მომზადებაზე. ბუთქემფის დასრულების შემდეგ სტარტაპერები წარადგენენ მათ იდეას "Big Idea Challenge" - ის ფარგლებში გამართულ ლოკალურ კონკურსში და ჩაწერენ ვიდეო ფიჩს, რომლის მეშვეობითაც მონაწილეობას მიიღებენ საერთაშორისო კონკურსში. გამარჯვების შემთხვევაში, სტარტაპერები მიიღებენ ფულად პრიზს 1000 ფუნტი სტერლინგის ოდენობით და/ან გაემგზავრებიან ლონდონში, გაივლიან ინტენსიურ ტრენინგს და მონაწილეობას მიიღებენ საერთაშორისო კონკურსში. კონკურსებზე იქნება როგორც ფულადი პრიზები, ასევე ინვესტორებთან შეხვედრის შესაძლებლობა.
ასევე, ბუთქემფერებს შესაძლებლობა ექნებათ მონაწილეობა მიიღონ სტარტაპ დემო დღეზე.
აპლიკაციების მიღება დაიწყება 10 იანვარს, 9:00 საათზე. მიღება შეწყდება 3 თებერვალს, 18:00 საათზე.
გადარჩეულ კანდიდატებს დავუკავშირდებით 4 თებერვალს.
ბუთქემფის შეხვედრები გაიმართება 8-9 თებერვალს 11:00-18:00 და 15 თებერვალს 16:00-18:00.