Á flokksstjórnarfundi í Hafnarfirði 4. mars kynnti Kristrún Frostadóttir, formaður Samfylkingarinnar, nýtt og umfangsmikið málefnastarf sem flokkurinn mun standa fyrir á næstu misserum.
Málefnastarfið verður tvískipt. Annars vegar eru ákveðin forgangsmál sem flokkurinn mun fara í af fullum þunga þar sem eitt forgangsmál verður tekið í einu, yfir ákveðinn tíma. Þar er öllum boðið að koma með og leggja sitt af mörkum en þriggja manna stýrihópur heldur utan um og leiðir vinnuna.
Fyrsta forgangsmálið sem við förum í af þessum þunga eru heilbrigðismál og öldrunarþjónusta og á vinnunni að ljúka fyrir flokksstjórnarfund næsta haust.
Allir flokksfélagar og hver einasta eining flokksins getur lagt sitt af mörkum í þeirri vinnu sem er framundan í málefnastarfinu. Undirbúningurinn er hafinn og hér að neðan er hægt að skrá sig til leiks.
Hins vegar hefur stjórn Samfylkingarinnar skipað tengiliði sem sjá um hefðbundið málefnastarf flokksins í öðrum málaflokkum fram að landsfundi. Smellið hér fyrir frekari upplýsingar.