....
                                                                                                    Я ня гнуся ў палоне, ня знаю, што страх,
                                                                                                    Не палохайце словам. Ні чынам!
                                                                                                    Не ўздрыгне яно на'т ў найстрашнейшых руках –
                                                                                                    Нескаронае сэрца жанчыны!
                                                                                                                                                           Ларыса Геніюш

Жанчыны… Пяшчотныя і моцныя, мяккія і нескароныя. Восьмае сакавіка - той дзень, калі традыцыйна ўзгадваюць жанчынаў. Летась менавіта беларускія жанчыны сталі гераінямі падзеяў і ўжо ўвайшлі ў гісторыю, але насамрэч ім было з каго браць прыклад!

У панядзелак 8 сакавіка Арт Вандроўня запрашае далучыцца да онлайн-лекцыі "Нескаронае сэрца жанчыны". Свой погляд на тэму жанчынаў у беларускай гісторыі прапануюць Вам экскурсаводкі Сьвятлана Грышкевіч і Ганна Багданава.

Падчас лекцыі мы будзем натхняцца гісторыямі жыцьця знакамітых беларусак ад старажытнасьці да 20 стагодзьдзя. Пагутарым пра манахіняў, лекаркаў, паэтак ды грамадзка-палітычных дзяячак, дачок, каханых, жонак ды маці. Розныя эпохі, розныя лёсы, нават сацыяльная статусы. На першы погляд здаецца, што іх нічога не яднае акрамя нараджэньня на гэтай зямлі. Але ёсьць тое, што прыстунічае ва ўсіх: прага да жыцьця ва ўсіх віхурах нялёгкага лёсу, любоў да Радзімы ды народу, неверагодная моц духу.

Далучайцеся да лекцыі і паспрабуем разам разгадаць феномен беларускіх жанчынаў!

У якасьці сюрпрыза-падарунка да нас паспрабуе далучыцца вядомая беларуская сьпявачка, галоўная скрыпка леташніх плошчаў і маршаў Тацьцяна Грыневіч.

Пачатак мерапрыемства а 20-й гадзіне! Рэгістрацыя праз гэтую гугл-форму. Спасылка на zoom-лекцыю прыйдзе за некалькі гадзінаў да пачатку  (калі ласка, каб не прапусьціць інфармацыю, пакідайце як мінімум 2 кантакты, а калі пакідаеце е-мэйл,  абавязкова правярайце "спам").

Калі ў Вас будзе жаданьне  аддзячыць вядоўцам, гэта можна зрабіць пераводам любых сродкаў на картку. Будзем моцна удзячныя!