O IES Rego de Trabe pertence á rede de centros de acreditación dixital. O primeiro obxectivo é abrir os centros educativos á poboación adulta que non estea recibindo formación no sistema educativo galego. Para ela está dirixido un curso de formación de 30 horas de duración á que se lle ofrece unha competencia dixital básica para o emprego das seguintes ferramentas:
- o paquete de ofimática OpenOffice: OpenOffice Writer e OpenOffice Calc.
- Traballo colaborativo en Google Drive
Desenvolverase na aula de informática do IES Rego de Trabe, onde contaremos con un ordenador por persoa. A formación recibida será válida para manexarse con internet con outros dispositivos electrónicos, coma os móbiles.
O curso, subvencionado polo Fondo Social Europeo, é gratuíto. Ao remate conseguirase un certificado de asistencia e aproveitamento, co que se poderá acreditar unidades de competencia de cualificación profesional.
Cada curso atenderá a un máximo de 20 persoas.
