O envío da solicitude non implica a aceptación da mesma, quedando baixo o criterio da Organización unha vez valorada a súa adecuación ao evento. De ser aceptada a solicitude por parte da Organización, esta poñerase en contacto coa entidade para aportar os datos necesarios do pago da inscrición.

NOTA: dado que o Mercado se dirixe a profesonais en activo, asumirase que as/os candidatas/os:
a) teñen capacidade legal para desenrolar a súa actividade (alta no I.A.E. -se procede-, rexistro de asociacións ou similar -se procede-; carnet de manipulador de alimentos -se procede-, etc.);

b) cumpren a normativa laboral no que respecta aos traballadores que van atender o seu posto;

A organización resérvase a posibilidade de solicitar documentación acreditativa.
A Organización non será responsable en caso de falsedades na solicitude.

Os/As Participantes comprometense a

- Participar no Mercado respectando os horarios de montaxe, apertura, peche e desmontaxe indicados pola organización;
- Respectar as instalacións e os materiais e mobiliario entregados e devolvelos nas mesmas condicións en que foran entregados;
- Seguir as indicacións da organización en canto a calquera modificación loxística que puidera xurdir por causa maior;
- Á boa convivencia e bo trato con outros expositores e público asistente. En este sentido, non se permite o uso de equipos de son nos postos.

A Organización non se responsabiliza de roubos, perdas ou danos durante o horario de celebración do evento.
Se por causa de forza maior se aprazase ou suspendese a celebración do evento, as entidades participantes comprométense a non exixir compensación polos posibles danos ou prexuízos máis aló da devolución da cota de inscrición.

A participación no Mercado Mar de Mares supón a aceptación destas bases.

Para aclaración de dúbidas ou ampliación de información:

info@festivalmardemares.org

www.festivalmardemares.org