CENN EU4Youth: "საზღვრისპირა რეგიონებში სოციალური მეწარმეობის ეკოსისტემის განვითარება მწვანე ზრდისთვის - SEED" პროექტის ფარგლებში, კახეთის რეგიონული განვითარების ფონდთან (KRDF), საზოგადოებრივი განვითარების ასოციაციასთან, საზოგადოება „ბილიკთან“ და ნინოწმინდის ახალგაზრდულ ცენტრთან თანამშრომლობით იწყებს გორის, ნინოწმინდისა და ახმეტის მუნიციპალიტეტებში ინოვაციური ცოდნის ჰაბების ამოქმედებას.

ჰაბების შექმნის მიზანია, ამ სამ მუნიციპალიტეტში მცხოვრები 18-29 წლის ახალგაზრდების, NEET პირების, ეთნიკური უმცირესობების, საზღვრისპირა სოფლებში მცხოვრები ახალგაზრდების, შშმ პირების, ქალების/გოგონების, სხვა უმცირესობებისა და მოწყვლადი ჯგუფების გაძლიერება, მათი ჩართულობის გაზრდა და დასაქმების ხელშეწყობა.

ამგვარის სივრცის არსებობა მუნიციპალიტეტებში მცხოვრებ ახალგაზრდებს საშუალებას აძლევს, ჰქონდეთ კომპიუტერული და საოფისე ტექნიკით აღჭურვილი, კომფორტული სამუშაო სივრცე, შეკრებებისთვის, სტარტაპებთან შეხვედრებისთვის, ტრენინგებისა თუ განვითარების სხვადასხვა აქტივობისთვის.

თუკი თქვენ, თქვენს ორგანიზაციას, სკოლას, უნივერსიტეტს, კოლეჯს ან საინიციატივო ჯგუფს აქვს სურვილი, რომ სამომავლოდ ისარგებლოს ინოვაციური ცოდნის ჰაბის რესურსითა და გამოიყენოს ეს სივრცე სხვადასხვა შეხვედრისა და ტრენინგის ჩასატარებლად, რომელიც ადგილობრივი ახალგაზრდების გაძლიერებაზე იქნება ორიენტირებული, შეავსეთ ფორმა და დაგვიტოვეთ თქვენი საკონტაქტო ინფორმაცია.