Wara li lbieraħ tajna daqqa t’għajn lejn l-ispirtu ta’ Kristu, illum nippruvaw naħsbu sa fejn wassal lil Kristu dan l-ispirtu, jiġifieri t-tbatijiet terribbli li hu ġarrab għalina, b’rabta sħiħa mar-rieda tal-Missier. Dan jgħinna nifhmu għala aħna wkoll irridu naċċettaw is-salib f’ħajjitna.

Jekk irridu li dak li sofra Ġesù jkun ta’ ġid kbir għalina, jeħtieġ li niftakru spiss fih. Il-Fundatur ħareġ bl-ideja tal-Eżerċizzju Memorjali, jiġifieri, permezz tal-memorja, inħallu dak li jiġri madwarna jfakkarna f’dak li għamel Kristu għalina. Illum ser nagħmlu dan l-eżerċizzju dwar dak li jfakkarna fuq il-Passjoni ta’ Kristu.

Ara ftit ir-ritratti li ġejjin u taħt kull ritratt ikteb f'liema ġrajja mill-passjoni ta' Ġesù qiegħed tiftakar. (nota: il-passjoni ta' Ġesù tibda mid-daħla f'Ġerusalemm sad-difna ta' Ġesù fil-qabar. Tista' tagħmel użu minn xi wieħed mill-Evanġelji bħala għajnuna.)

Ħsieb: Ruħ nisranija, xejn ma jiswa li tkun taf il-kliem tal-ħajja, iżda li tipprattikah; dan jiswa.