O Concello de Ribadeo, xunto cos negocios locais da vila, lanza o programa
Víveo Máis coa misión de impulsar un modelo turístico máis sostible. Os establecementos
adheridos comprométense a apoiar un turismo máis sostible e máis responsable a
través da implementación de medidas concretas nas experiencias que
ofrecen e nos seus procesos internos.
Estas medidas
estrutúranse en torno a 4 retos clave que
representan os desafíos do turismo en torno ao seu impacto ambiental e social:
- Desenvolvemento
do territorio
- Recursos
naturais e biodiversidade
- Cambio
climático
- Economía
circular
Á vez os retos contan
con 14 liñas de acción para os restaurantes e 13 para os aloxamentos , derivando
en 35 iniciativas concretas. Cada establecemento debe cumprir cun mínimo de iniciativas (o 33% do total, 12 iniciativas das 35), e de maneira imperativa coas 5 marcadas como requisitos obrigatorios para cada categoría
de establecemento para formar parte do programa. Outros
requisitos mínimos que deben cumprirse:- Ser unha actividade económica ligada
hostalaría ou restauración
- Ter domicilio fiscal ou sede do
negocio no Concello de Ribadeo
- Cumprimentar o cuestionario de
autoavaliación (este formulario) e asinar a declaración responsable
A continuación pode seleccionar as accións desenvolvidas polo seu establecemento. Teña en conta que
se non realiza as iniciativas marcadas como obrigatorias, o cuestionario non permite
avanzar, o que significa ademais que non cumpre os requisitos mínimos de
adhesión.
Grazas pola súa
participación.
