Ataungo herrigunea eta mendia txukun mantentzeko helburuarekin, hiru hilean behin auzolan deialdia antolatuko du Ataungo Udalak. Deialdi bakoitzean bi lan mota egin ahalko dira, batetik herri guneetako lanak eta bestetik mendikoak. Hona hemen lanen azalpen laburra:
Herri guneko lanen adibideak: Zaborra jaso, lorontziak apaindu/txukundu, hiri-altzariak garbitu/mantendu, erreka garbitu,...
Mendiko lanen adibideak: Mendiko hondakindegiak garbitu, atsedenguneak txukundu, mendi bideak garbitu, iturriak berreskuratu, txabolak berritu, zuhaitzak landatu, leizeak garbitu,...
Oharrak: Izen emateen arabera zehaztuko dira lanak. Haur eta gaztetxoek auzolana zer den ezagutu dezaten, txikienentzako lanak ere egongo dira. Auzolana amaitu ondoren Udalak mokadua jarriko du.
Animatu eta jarrai dezagun elkarrekin herria egiten!