O Concello de A Bola, no seu compromiso coa igualdade de oportunidades entre mulleres e homes e na loita contra as violencias de xénero, puxo en marcha a elaboración do seu IV Plan de Igualdade de Oportunidades, un documento que recollerá as medidas e actuacións deseñadas para combater as desigualdades a implementar durante os próximos anos.
Dende o Concello consideramos fundamental contar coa participación cidadá para coñecer de primeira man as necesidades, demandas e opinións da veciñanza, e así deseñar un Plan que conteña as actuacións máis axeitadas ao día a día do municipio, que contribúa a eliminar as desigualdades estruturais e as discriminacións por razón de xénero que se manteñen a día de hoxe.
Por estas razóns, precisamos e agradecemos a vosa colaboración respostando a este breve cuestionario. É unha enquisa sinxela, anónima e persoal, que só ocupará 5 minutos do teu tempo.
Moitas GRAZAS
