ეკო სამიტი 2023 ტარდება პლასტმასისგან თავისუფალი კვირეულის ფარგლებში შვედეთის სახელმწიფო სააგენტოს, შვედური ინსტიტუტის დაფინანსებით და საქართველოში შვედეთის სამეფოს საელჩოს მხარდაჭერით.
ღონისძიების ორგანიზატორები არიან აიპ საქართველოში შვედეთის კურსდამთავრებულთა ქსელი და ააიპ ტრენერთა ასოციაცია.
ღონისძიება მოიცავს ორ აქტივობას: კონფერენცია თემაზე პასუხისმგებლიანი საზოგადოება პლასტმასისგან თავისუფალი ქალაქისთვის და გამწვანების აქცია. კონფერენცია მიზნად ისახავს ეკო-მეგობრული წარმოების პოპულარიზაციას და ერთჯერადი გამოყენების პლასტმასის ნაწარმის მოხმარების შემცირების წახალისებას.
გამწვანების აქციის ფარგლებში დაგეგმილია პარტნიორ უმაღლეს ორგანიზაციებთან ერთად განსაზღვრულ უბანში ხე მცენარეების დარგვა.
საქართველოში შვედეთის კურსდამთავრებულთა ქსელი 2016 წლიდან დღემდე პლასტმასისგან თავისუფალი კვირეულის ფარგლებში ყოველწლიურად ახორციელებს სხვადასხვა ტიპის პროექტებს, რომლებიც მიზნად ისახავს პლასტმასის მოხმარების შემცირებას და გარემოსდაცვითი აქტივობების წახალისებას.
წელს ინიციატივას შეუერთდა ტრენერთა ასოციაციაც, რომელიც აერთიანებს 500+ ტრენერსა და თანამშრომლობს 65+ პარტნიორ ორგანიზაციასთან.
შემოგვიერთდით 2023 წელს დაგეგმილ ერთ-ერთ ყველაზე მასშტაბურ გარემოსდაცვით ღონისძიებაზე!
რეგისტრაციის გავლის შესახებ მიიღებთ ინფორმაციას 2023 წლის 20 ოქტომბერს.
საკონტაქტო პირები:
გოგა 598 12 34 54
თამარ 577 34 34 64
#ეკოსამიტი2023
