ჯანდაცვის ახალგაზრდა პროფესიონალების მიზანია მომავალი ექიმებისა და ჯანდაცვის სფეროს წარმომადგენლების გაერთიანება, მათ განვითარებასა და წინსვლაში ხელშეწყობა და დახმარება.  
პროექტის ფარგლებში ჯანდაცვის სხვადასხვა მიმართულების პროფესიონალები ცოდნას და გამოცდილებას მომავალ თაობას გაუზიარებენ.

რას მიიღებთ ჩვენთან გაწევრიანებით?

 თქვენ გაქვთ შესაძლებლობა აირჩიოთ ჯანდაცვის სასურველი მიმართულება და მრჩეველი/ექიმი, თავისი საქმის პროფესიონალი, რომელიც დაგეხმარებათ განვითარებაში და მოგცემთ რჩევებს კონკრეტული მიმართულებით. 2 თვის განმავლობაში მენტორთან გექნებათ 8 ონლაინ შეხვედრა. შეხვედრის ფორმატი უშუალო და თავისუფალია;
მაგალითად, თუ გსურთ გახდეთ თერაპევტი და აირჩიეთ მენტორად პროფესიონალი თერაპევტი, ის მოგცემთ რჩევებს ამ სფეროზე. რა უნდა იცოდეთ, რა უნდა ისწავლოთ იმისთვის, რომ წარმატებული იყოთ, პრაქტიკების გავლა სად და როგორ ხდება. შესაძლებლობა გაქვთ დაუსვათ მას ყველა შეკითხვა  რაც ამ სფეროს უკავშირდება;
 თქვენ ასევე გაივლით ბაზისური პირველადი სამედიცინო დახმარების ტრენინგს და გადმოგეცემათ შესაბამისი სერტიფიკატი;
 ჯანდაცვის ახალგაზრდა პროფესიონალებში გაწევრიანებით, პერიოდულად მიიღებთ ჯანდაცვის სფეროში მიმდინარე თქვენთვის საინტერესო ინფორმაციებს ღონისძიებების, ტრენინგებისა და ვაკანსიების შესახებ. ჩვენს ღონისძიებებზე წევრები ისარგებლებთ სპეციალური ფასდაკლებით.

პროექტი დაიწყება მაისში
შერჩევა მოხდება ონლაინ გასაუბრებით.

რეგისტრაცია შესაძლებელია 25 მაისამდე.

გისურვებთ წარმატებას!