ກະຊວງການຕ່າງປະເທດ ສະຫະລັດອາເມລິກາ ປະຈໍານະຄອນຫຼວງວຽງຈັນ ແລະ One Minute Academy ໄດ້ມີການຮ່ວມມືກັນເພື່ອສະໜອງການຝຶກອົບຮົມອອນລາຍແບບສະເພາະທາງ ທີ່ແນໃສ່ການສ້າງຊ່ຽວຊານທີ່ມີຄວາມສາມາດໃນການເລົ່າເລື່ອງຂອງຕົນຜ່ານວິດີໂອໜຶ່ງນາທີ ທີ່ໜ້າດຶງດູດ ແລະ ໃຫ້ແກ່ນສານສາລະ. ຜູ້ເຂົ້າຮ່ວມຈະໄດ້ຮຽນຮູ້ຈາກນັກວິທະຍາກອນດ້ານສື່ມວນຊົນຂອງ One Minute Academy ແລະ ຈະໄດ້ສ້າງເຄືອຂ່າຍສາຍສໍາພັນຮ່ວມກັບບັນດາໝູ່ເພື່ອນທີ່ເປັນມືອາຊີບຈາກໃນທົ່ວພາກພື້ນ. ພາຍຫຼັງສຳເລັດການຝຶກອົບຮົມແລ້ວ ຜູ້ເຂົ້າຮ່ວມຈະໄດ້ຮັບໃບຢັ້ງຢືນຄວາມສາມາດຈາກ One Minute Academy.
ເຊິ່ງການຝຶກອົບຮົມຈະໄດ້ລົງເລິກສະເພາະເຈາະຈົງໃນບັນດາຄຳຖາມດັ່ງຕໍ່ໄປນີ້.
ດ້ານຫຼັກການທິດສະດີ: ພວກເຮົາຈະສາມາດໃຊ້ຮູບພາບ ແລະ ວີດີໂອເພື່ອດຶງດູດການມີສ່ວນຮ່ວມກັບຜູ້ຊົມແນວໃດ?
ຂັ້ນຕອນກ່ອນເລີ່ມການຜະລິດຖ່າຍທໍາ: ພວກເຮົາຈະກະກຽມ ແລະ ວາງແຜນການຖ່າຍທໍາຜະລິດວິດີໂອໜຶ່ງນາທີແນວໃດ?
ການຜະລິດຖ່າຍທໍາ: ພວກເຮົາຈະໃຊ້ໂທລະສັບສະມາດໂຟນ ຫຼື ກ້ອງຖ່າຍຮູບແບບມືອາຊີບຄືແນວໃດ?
ຂັ້ນຕອນຫຼັງການຖ່າຍທໍາ: ພວກເຮົາຈະຈັດແຈງບັນດາຟາຍຮູບພາບວິດີໂອ ແລະ ແກ້ໄຂຕັດແຕ່ງວິດີໂອເທິງຊອບແວແບບມືອາຊີບໃນມື້ດຽວແນວໃດ?
ເທຣນ-ເດິ-ເທຣນເນີ (ການສ້າງວິທະຍາກອນ): ພວກເຮົາຈະສອນຄົນອື່ນສ້າງວິດີໂອແນວໃດຫຼັງຈາກຈົບຫຼັກສູດນີ້?
ເຂົ້າຊົມ
https://www.weloverealstories.com/ ສໍາລັບລາຍລະອຽດເພີ່ມເຕີມ.
ວັນທີ: 5, 6, 12, 13 ທັນວາ (ຕອນບ່າຍ)
ບັນດາຜູ້ສະໝັກ 40 ຄົນ ຈະຖືກຮັບເລືອກ ແລະ ຈັດໃຫ້ເຂົ້າຮ່ວມໜຶ່ງໃນສອງເວີກຊ໋ອບຝຶກອົບຮົມທີ່ຖືກຈັດຂຶ້ນ. ຜູ້ເຂົ້າຮ່ວມຈະຖືກຄັດເລືອກໂດຍອີງໃສ່ຄໍາຕອບທີ່ໄດ້ຮັບຈາກແບບສອບຖາມນີ້. ຍິ່ງໃຫ້ຄຳຕອບທີ່ລະອຽດເທົ່າໃດກໍ່ຍິ່ງຈະມີສິດໄດ້ປຽບຫຼາຍຂື້ນໄປເທົ່ານັ້ນ. ມາຊ່ວຍກັນແຊລິ້ງສໍາລັບເຂົ້າຕອບແບບສອບຖາມນີ້ເລີຍ ຖ້າທ່ານມີເພື່ອນຮ່ວມງານຜູ້ທີ່ອາດຈະສົນໃຈເຂົ້າຮ່ວມ.
ເງື່ອນໄຂການເຂົ້າຮ່ວມ:
•
ການຝຶກອົບຮົມຈະເປີດກວ້າງສຳລັບບັນດານັກຂ່າວ, ຜູ້ປະກອບການ, ນັກເຄື່ອນໄຫວ, ຜູ້ປະກອບອາຊີບດ້ານສື່ມວນຊົນ, ຜູ້ນຳທ້ອງຖິ່ນ ແລະ ຜູ້ອື່ນໆທີ່ເລົ່າເລື່ອງຄວາມເປັນຈິງ ແລະ ເລື່ອງລາວອັນມີຄຸນຄ່າກ່ຽວກັບຊຸມຊົນຂອງຕົນ.
•
ບັນດາຜູ້ເຂົ້າຮ່ວມຈະຕ້ອງໄດ້ເຂົ້າຮ່ວມວາລະການຝຶກອົບຮົມຕ່າງໆແບບອອນລາຍ (ລວມທັງໝົດ 10–12 ຊົ່ວໂມງ).
•
ຜູ້ເຂົ້າຮ່ວມຕ້ອງມີຄອມພິວເຕີໂນດບຸກທີ່ມີລະບົບປະຕິບັດການທີ່ທັນສະໄໝ, ໂທລະສັບສະມາດໂຟນ ຫຼື ກ້ອງຖ່າຍຮູບທີ່ມີແບັດເຕີຣີສາກເຕັມ, ສາຍສາກ ແລະ ສາຍຕໍ່ເພື່ອເຊື່ອມຕໍ່ອຸປະກອນເຂົ້າກັບຄອມພິວເຕີ້ ແລະ ຫູຟັງ.