სიქა აცხადებს რუსთავის სკოლების მოსწავლეთა გუნდების რეგისტრაციას პროექტში "სოციალური მეწარმეობისა და STEAM-ის კომბინირებული ქართული პლატფორმა უფროსკლასელებისთვის". გუნდში უნდა იყოს 3 მოსწავლე (14-18 წლის, აუცილებლად ორივე სქესის წარმომადგენელი) და ახალგაზრდა მასწავლებელი, კლუბის წარმომადგენელი ან სხვა რუსთაველი ახალგაზრდა  (19-დან 29 წლის ჩათვლით).

პროექტის მიზანი: რუსთავში მცხოვრებ უფროსკლასელ მოსწავლეებს შეექმნებათ შესაძლებლობა მიიღონ არაფორმალური განათლება სოციალური მეწარმეობის, ტექნოლოგიური და STEAM მიმართულებით.

პროექტში მონაწილეობა შეუძლიათ ქ. რუსთავის სკოლების 14-დან 18 წლამდე ასაკის მოსწავლეებს.

მოსწავლეების გუნდი დეკემბერში 2 შაბათ-კვირას ონლაინ დღის განმავლობაში გაივლის მომზადებას. 19-20 დეკემბერს ჯერ სოციალურ მეწარმეობაში, შემდეგ შაბათ-კვირას კი STEAM რობოტიკსში (რობოტები ჩვენს გარშემო, რა ვიცით მათ შესახებ, მათი დანიშნულება, პროგრამის დაწერა რობოტისთვის და სიმულაცია, მხიარული შეჯიბრი). ჰაკათონის ფორმატის ღონისძიება მოსწავლეებს საშუალებას მისცემს ისწავლონ რაც არ იციან, შეხვდნენ ტრენერებს და სფეროში გამოცდილ ადამიანებს, შემდეგ გუნდურად იმუშაონ, შექმნან კოდირებული პროგრამა მოქმედი რობოტებისთვის, იფიქრონ პრობლემურ საკითხებზე და შექმნან სოციალური საწარმოს მოდელები.

წარმატებულ გუნდებს გაეწევათ რეკომენდაცია საერთაშორისო პროგრამებში მონაწილეობის მისაღებად.

პროექტი დაფინანსებულია საჯარო სამართლის იურიდიული პირის - ახალგაზრდობის სააგენტოს მიერ გაცემული გრანტით 2020 წლის საგრანტო კონკურსის (I თემატური მიმართულება: გრძელვადიანი და განმეორებითი შედეგების მომტანი მდგრადი პლატფორმის შექმნა და არაფორმალური განათლების გზით ახალგაზრდებში კომპეტენციების განვითარება) ფარგლებში განმახორციელებელი ორგანიზაცია სიქა.

საკონტაქტო ინფორმაცია:
599556234 პავლე თვალიაშვილი - პროექტის დირექტორი
599 232 737 ანა მელაშვილი - პროექტის კოორდინატორი