Sparánachtaí Comórtha
Tá ceithre sparánacht déag cruthaithe ag Amharclann na Mainistreach chun maoiniú a chur ar fáil d’ealaíontóirí amharclannaíochta le ham a chaitheamh ag machnamh, ag ceistiú agus ag forbairt saothair a bheidh arna spreagadh ag tréimhse Chogadh na Saoirse agus Cogadh na gCarad, ó 1919 - 1923, ag dul i ngleic go healaíonta agus go cultúrtha leis an an tréimhse seo, chun píosaí nua taibhléirithe a chruthú a bheidh ábhartha don lá atá inniu ann.

Tá gach sparánacht ainmnithe in ómós agus i gcuimhne duine as an gceathrar duine dhéag a maraíodh ag Sléacht Pháirc an Chrócaigh ar an 21 Samhain 1920.

Clúdóidh na sparánachtaí seo stipinn ealaíontóra €7,000, buiséad taighde €1,000 agus buiséad €2,000 chun roinnt ama a chaitheamh ar an gcéad dréacht den saothar nua seo a fhorbairt. Beidh rochtain ar fáil ag na healaíontóirí rathúla ar thacaíocht ó Rannóg Saothair Nua Amharclann na Mainistreach agus ón bhfoireann ealaíne i gcoitinne agus an saothar seo á fhorbairt acu.

Tá ar a laghad dhá cheann de na sparánachtaí imfhálaithe le haghaidh saothair a dhéanfar a fhorbairt i nGaeilge, a bhfuil sé beartaithe bheith léirithe i nGaeilge, nó a rachaidh i ngleic ag bunleibhéal leis an nGaeilge.
Sign in to Google to save your progress. Learn more
Ainm *
R-phost *
Uimhir Ghutháin *
Seoladh *
Cén t-ábhar, duine nó ócáid a bhfuil suim agat a úsáid mar phointe tosaithe don smaoineamh atá agat? *
Uasmhéid 250 carachtar (tuairim is 30 focal).
Inis dúinn faoin saothar ar mhaith leat tabhairt faoi. D’fhéadfá é seo a dhéanamh trí chur síos a dhéanamh ar an gcaoi a n-úsáidfeá an t-am, ar an gcaoi a rachfá i ngleic leis an ábhar, agus cad é atá ar intinn agat a dhéanamh. *
Uasmhéid 3000 carachtar (tuairim is 500 focal). Más fearr leat go seolfá físeán chugainn (4 nóiméad ar a mhéad), luaigh é sin sa bhosca téacs seo agus ceangail leis an aighneacht oibre é.
Cáipéisí tacaíochta
Nuair atá an fhoirm seo comhlánaithe agat, seol trí shampla ionadaíocha de do chuid oibre chuig new.work@abbeytheatre.ie, agus cuir ‘Sparánachtaí Comórtha’ i líne an ábhair. Gheobhaidh tú teachtaireacht uathoibríoch le cur in iúl go bhfuarthas é. Ba cheart go mbeadh ar a laghad ceann amháin de na trí phíosa seo léirithe go gairmiúil.

Is féidir an saothar a roinnt linn mar naisc ghréasáin nó mar cháipéisí téacs. Má tá cáipéisí á seoladh isteach agat, bíodh siad i bhformáid .doc nó .pdf amháin, agus cuir d’ainm in ainm an chomhaid. Ba cheart gur phíosaí iad atá ar a laghad 15 nóiméad ar fad.

Ní bheimid in ann iarratais neamhiomlána a mheas, mar sin, déan seiceáil faoi dhó sula seolann tú an t-iarratas isteach go gcomhlíonann do shaothar na critéir seo.
Next
Clear form
Never submit passwords through Google Forms.
This content is neither created nor endorsed by Google. Report Abuse - Terms of Service - Privacy Policy
Google Forms