შავი ზღვის საერთაშორისო უნივერსიტეტის სტუდენტთა და კურსდამთავრებულთა განვითარების დეპარტამენტის ორგანიზებით 7 მარტს, 16:30 საათზე უნივერსიტეტის ბიბლიოთეკაში გაიმართება კვლევისა და მენეჯმენტის საკონსულტაციო გლობალური კომპანია ACT-ის თანადამფუძნებლისა და მმართველი პარტნიორის, თინათინ რუხაძის საჯარო ლექცია თემაზე: ტრანსფორმაციული ლიდერობა — ACT-ის გლობალური გამოცდილება.

თინათინ რუხაძის ხელმძღვანელობით ACT პატარა ქართული საკონსულტაციო ფირმიდან გლობალურ მოთამაშედ გადაიქცა, რომელიც დღეს 3 კონტინენტზე, 35 ქვეყანაში ოპერირებს. თინათინს აქვს თსუ-ს ფსიქოლოგიის მაგისტრის ხარისხი და გრენობლის ბიზნეს სკოლის MBA მენეჯმენტ კონსალტინგის სპეციალიზაციით.

თინათინი, ასევე, აქტიურად არის ჩართული საზოგადოებრივ საქმიანობაში: მენტორობს ახალგაზრდა და ქალ მეწარმეებს, მონაწილეობს ანგელოზ-ინვესტორობის პროექტებში; საჯარო გამოსვლებით ხელს უწყობს ბიზნესსა და ლიდერობასთან დაკავშირებული ცოდნის გავრცელებას.

დრო: 2025 წლის 7 მარტი, 16:30 საათი

ადგილმდებარეობა: ბიბლიოთეკა, შეხვედრების ოთახი, B ბლოკი