Մարզային ՔՀԿ-ների ապատեղեկատվության դեմ պայքարի և փաստերի ստուգման կարողությունների զարգացման երկօրյա դասընթացի առաջին փուլ
Հանրային լրագրության ակումբը (ՀԼԱ/PJC) երկար տարիներ աշխատում է ապատեղեկատվության դեմ պայքարի գործընթացում և իրականացրել է տեղական ու միջազգային բազմաթիվ նախագծեր՝ հասարակության (երիտասարդներ, մեծահասակներ, նախակրթական հաստատություններ, ՔՀԿ-ներ և այլն) շրջանում մեդիագրագիտության, քննադատական մտածողության և փաստերի ստուգման ու տեղեկությունների ճշգրտման ուղղությամբ կարողությունների զարգացման համար։
Մեր օրերում ապատեղեկատվության նույնականացումը գնալով բարդանում է, ի հայտ են գալիս նոր հարթակներ, ստեղծվում են նոր գործիքներ, տեխնոլոգիաներն զարգանում են օրեցօր, որոնք որքանով խթանում են տեղեկատվության շրջանառմանը, նույն չափով նաև պարարտ հող են ստեղծում մանիպուլյացիաների, կեղծ լուրերի և ապատեղեկատվության տարածման համար։ Շատ հաճախ կեղծ լուրերի թիրախում են հայտնվում ՔՀԿ-ներ, որոնք գործունեություն են իրականացնում համայնքային զարգացման, մարդու իրավունքների, ժողովրդավարության և բազմաթիվ այլ ոլորտներում։
Հասարակության տարբեր խմբերի մոտ կեղծ լուրերի նույնականացումը բարդ գործընթաց է, որին մշտապես աջակցում է ՀԼԱ-ն։ Այս անգամ ՀԼԱ-ն կազմակերպում է կարողությունների զարգացման երկօրյա դասընթաց մարզային ՔՀԿ-ների ներկայացուցիչների համար։
«ՔՀԿ-ների և ՏԻՄ-երի ապատեղեկատվության դիմադրողականության ձևավորում» ծրագրի շրջանակում, որն իրականացվում է Հայաստանում ԱՄՆ դեսպանատան աջակցությամբ, ՀԼԱ-ն հայտարարում է ՔՀԿ-ների կարողությունների զարգացման երկօրյա դասընթացի առաջին փուլի հայտադիմումների ընդունելություն։
Այս նախագիծը նաև կխթանի ապատեղեկատվության դեմ պայքարի ուղղությամբ վերապատրաստված ՔՀԿ-ների ցանց, որոնց հետ հնարավոր է հետագա համագործակցություն այլ նախագծերի շրջանակներում։
Ո՞վքեր կարող են մասնակցել այս դասընթացին․
-
Դասընթացին կարող են մասնակցել ՀՀ 4 մարզերում (Լոռի, Տավուշ, Գեղարքունիք, Արագածոտն) գրանցված և գործունեություն իրականացնող հասարակական կազմակերպությունները, հիմնադրամները և շահույթ չհետապնդող/ոչ կառավարական այլ կազմակերպություններ։
-
Խրախուսվում է ՔՀԿ հաղորդակցությամբ, հանրային կապերով և ծրագրային կառավարմամբ զբաղվող ներկայացուցիչների անունից դիմումների ներկայացումը։
-
Անհատները, կամավորները և կազմակերպություններում ոչ ինստիտուցիոնալ ներգրավվածություն ունեցող ներկայացուցիչները (կարճաժամկետ) չեն կարող մասնակցել այս դասընթացին։
Ինչպե՞ս մասնակցել դասընթացին․
Կարողությունների զարգացման դասընթացին մասնակցելու համար հարկավոր է՝
-
Լրացնել առցանց ձևաթուղթը,
-
hpaytyan@publicjournalism.am էլեկտրոնային փոստի հասցեին ուղարկել դիմորդի ինքնակենսագրականը (նամակի թեմա դաշտում պարտադիր է նշելը՝ «Մարզային ՔՀԿ-ներն ընդդեմ ապատեղեկատվության - կազմակերպության անվանումը»):
Որո՞նք են ընտրության չափորոշիչները․
Դասընթացի համար ստացված հայտերը դիտարկվելու են անկախ հանձնաժողովի կողմից հետևյալ չոփորոշիչներին համապատասխան՝
-
Դիմորդ կազմակերպության առնչությունը տեղեկատվական գործընթացներին։
-
Որքանո՞վ է կազմակերպության համար կարևոր այս ուղղությամբ կարողությունների զարգացումը։
-
Ինչպե՞ս է դիմորդ կազմակերպությունն օգտագործելու իր ստացած գիտելիքներն ու կարողությունները կազմակերպության գործունեությունում։
-
Դիմորդի ինքնակենսագրականը։
Դասընթացի հայտարարության ժամկետները․
-
Դասընթացին դիմելու վերջնաժամկետը՝ 2021թ․ հունվարի 23
-
Դասընթացի դիմորդների դիտարկման վերջնաժամկետը՝ 2021թ․ հունվարի 28
-
Դիմորդներին արդյունքների ծանուցման վերջնաժամկետը՝ 2021թ․ հունվարի 31
-
Դասընթացի անցկացման ժամկետները՝ 2022թ․ փետրվարի 10-11
ՀԼԱ-ն ապահովում է ընտրված դիմորդների ճանապարհածախսի, կեցության, սնունդի ծախսերը։
Թերի, ոչ հայատառ լրացված հայտը և/կամ ոչ ամբողջական ներկայացված փաստաթղթերի դեպքում, դիմորդի հայտը չի դիտարկվելու մրցույթում։
————————
Հարցերի համար կարող եք գրել նամակ ՀԼԱ հաղորդակցության և ծրագրերի համակարգող մասնագետ Հասմիկ Փայտյանին՝
hpaytyan@publicjournalism.am էլ․ փոստի միջոցով։
Ծրագրի վերաբերյալ մանրամասների կարող եք ծանոթանալ՝ անցնելով ՀԼԱ կայք։
* Այս միջոցառումն իրականացվում է Հանրային լրագրության ակումբի կողմից, Ինֆորմացիազյի ազատության կենտրոնի հետ համատեղ իրականացվող «ՔՀԿ-ների և ՏԻՄ-երի ապատեղեկատվության դիմադրողականության ձևավորում» ծրագրի շրջանակում Հայաստանում ԱՄՆ դեսպանատան աջակցությամբ։
#PowerUp #FightFake #DetectManipulation #PowerUpCSOs