Markhópur: Allir kennarar

Lýsing: námskeiðið er ætlað að veita kennurum innblástur og nýjar hugmyndir fyrir komandi skólaár. Sóley deilir reynslu sinni af því að hafa fundið neistann aftur í kennslu þegar hún breytti um kennsluaðferðir og ákvað að leggja áherslu á sögur, leiki og vettvangsferðir. Með tímanum urðu kennsluaðferðir fjölbreyttari og fann hún ýmsar nýjar leiðir til að nálgast viðfangsefnið. Sóley ákvað að í hverri viku færi hún með bekkinn sinn í vettvangsferðir á ýmiss söfn og hóf meðal annars samstarf við Þjóðminjasafnið. Unnið var með þema á hverju tímabili og hvert verkefni metið út frá hæfniviðmiðum. Nemendur fóru í úti- og innileiki sem tengdust þemanu, unnu áþreifanleg verkefni í skólanum og fengu leiðsögn og fræðslu frá safni sem tengdist hverju þema. Jákvæð samskipti og samvinna voru í fyrirrúmi og samvinna heimila og skóla þar sem foreldrar fóru með í margar ferðir.

Markmiðið með þróunarverkefni Sóleyjar er að vekja áhuga nemenda í gegnum fjölbreytta kennslu sem og að efla menningarlæsi og umhverfisvitund. 

Eftir námskeiðið ættu þátttakendur að hafa fengið hugmyndir að því hvernig hægt er að kenna í gegnum sögur, leiki og vettvangsferðir með það markmið að vekja áhuga nemenda sinna og kynna þeim fyrir áþreifanlegum verkefnum sem virkja öll skynfæri. 

Hvenær: 9. ágúst kl 13:00 - 17:00

Kennarar: Sóley Ó. H. Elídóttir kennari í Skóla Ísaks Jónssonar, gestakennari Anna Leif Auðar Elídóttir safnkennari á Þjóðminjasafninu

Hvar: Háteigsskóli