1. Ora kaiket dening pathokan kang gumathok
2. Migunakake tembung- tembung pilihan utawa diksi
3. Cacahe larik (gatra) saben sapada (bait) ora katemtokake
4. Cacahe pada (bait) bebas
5. Pungkasane larik, unine bebas
6. Isine mentes lan ngamot piwulang becik
7. Trakadhang nggunakake purwakanthi basa, swara, lan sastra

"Esuk bagaskara sumamburat
Manuk-manuk padha langen suka

Manuk sajodho
Moncok ing pang garing
Ngocoh loloh-linoloh
Prasetya ing janji katresnan.

Tukang mbedhil
Mripat mencereng
Ngulati manuk

Ah ah ah ...!

Oo, ......... Allah.
Manungsa ora ngerti tata.
Si manuk lanang kekitrang
Mabur mrana mencok kene,
Ngoceh lagune kasusahan

Oo, ......... ya gene manungsa
Dene duwe bedhil
Anggone mbedhil mungsuh
Kepriye, ah ah ah
Tan ana pathoking katresnan.

Manuk lanang bleber kekitrang
Nyamberi panggonane peksi estri
Kang kumleyang"