Bħalissa hu ż-żmien meta l-parroċċi jfasslu l-pjan pastorali tagħhom. Filwaqt li l-ħidma kollha tal-Knisja għandha l-istess għan, kull parroċċa jista’ jkollha modi u mezzi differenti ta’ kif tilħqu. Il-Pjan Pastorali għandu jkun frott ta’ Dixxerniment Komunitarju. Dan it-taħriġ ser jipprovdi tagħrif dwar dan il-proċess ta’ dixxerniment, kif ukoll dwar kif isir pjan pastorali.

Għanijiet tat-taħriġ għall-parteċipanti:
- Ikunu mħarrġa fuq il-proċess ta’ dixxerniment komunitarju;
- Jifhmu għalfejn għandu jsir pjan pastorali, x’inhi n-natura tiegħu u x’inhuma l-għodda meħtieġa għal pjan effettiv;
- Isiru midħla tal-punti prinċipali li d-djoċesi qed tipproponi biex fuqhom jitfassal il-pjan pastorali.