"Forest School Azərbaijan" / Üzvlük anketi
"Forest School Azerbaijan" bir qrup təhsil işçisinin təşəbbüsü ilə yaradılıb və 2017-ci ildən Azərbaycanda açıq hava şəraitində təşkil olunan beynəlxalq təhsil proqramını tətbiq edir. "Forest School" təhsil yanaşması dünyanın bir çox inkişaf etmiş ölkələrində uğurla tətbiq olunmaqdadır.
"Forest School Azerbaijan"nın əsas məqsədi uşaq, yeniyetmə və gənclərin müstəqil bir fərd kimi inkişaf etməsi, öyrənməsi və öyrənmədən zövq alması üçün imkanlar yaratmaqdır. Təhsil proqramı yaş qruplarına uyğun olaraq təşkil olunur və pedaqoq-liderlər tərəfindən idarə olunur. Tədris oyunlar, layihə-tədqiqat, təbiətlə harmonik təcrübələr formasında qeyri-formal təhsil metodologiyasına uyğun aparılır. Proses uşaqlara biliyi toplamaqdan daha çox onu praktiki təcrübədən keçirərək onların sosial, emosional, mənəvi, fiziki və intellektual inkişafına kömək edir.
"Forest School Azerbaijan" fəaliyyətlərində iştirak etmək üçün üzv olmağınız tələb olunur.