Azərbaycan Turizm Bürosunun Turizm Təlim və Sertifikasiya Mərkəzi tərəfindən təşkil olunan təlim 18 avqust saat 11:00-13:00 aralığında baş tutacaq. Təlim turizm və qonaqpərvərlik sahəsində on beş ildən artıq təcrübəyə malik gəlirlər üzrə məsləhətçi və təlimçi Bahar Dadaşova tərəfindən aparılacaq. Hazırda AR Gənclər və İdman Nazirliyinin Regional Olimpiya Mərkəzləri otellərinin rəhbəridir.
Təlim hotelin satış, rezervasiya, qeydiyyat və əməliyyat şöbəsinin rəhbər şəxsləri üçün nəzərdə tutulub. Təlimdə iştirak ödənişsizdir. Təlimin sonunda TTSM-in sertifikatını əldə etmək istəyənlər üçün isə 10 AZN məbləğində ödəniş nəzərdə tutulub.
Təlimin dili: Azərbaycan dili
Məkan: Ibis Baku City Hotel
Təlimə son qeydiyyat tarixi: 15 avqust 2022-ci il, saat 12:00
Qeyd: Təlimdə seçilmiş 25 nəfər iştirak edə biləcək. Qeydiyyatdan ilk keçənlər və tələblərdə qeyd edilən meyarlara uyğun iştirakçılar avtomatik olaraq prioritet siyahısına düşür.
