კონკურსი სამოქალაქო განათლების მასწავლებლებისთვის!
სამოქალაქო განათლების პედაგოგთა ფორუმი, მიმდინარე წლის ივნისი-დეკემბრის თვეში განახორციელებს პროექტს „სამოქალაქო განათლების სიმულაციები საქართველოს სკოლებისთვის“ ("Civic Education Simulations for Georgian Schools“).
პროექტის მიზანია: სამოქალაქო საზოგადოებრივი დიალოგისა და კულტურის პოლიტიკის ღონისძიებების მეშვეობით დემოკრატიული ღირებულებების გაძლიერება.
პროექტში კონკურსის გზით შერჩეული 20 პედაგოგი 15-16 ივნისს, გერმანელ ექსპერტებთან ერთად, მონაწილეობას მიიღებს შეხვედრაში, შემდეგ თემებზე სამუშაოდ:
• თანამშრომლობა და დემოკრატიის პრინციპები
• ულტრამემარჯვენე პოპულიზმის წინააღმდეგ ბრძოლა
• კონფლიქტის მოგვარება
კარგი პრაქტიკის გაზიარების მიზნით, პროექტში ჩართული პედაგოგები, გაივლიან ტრენინგებს სიმულაციური თამაშების ორგანიზების შესახებ. აღნიშნული ტრენინგი ჩატარდება გერმანიის დედაქალაქ ბერლინში.
ტრენინგის გავლის შემდეგ, პედაგოგები თავიანთ რეგიონებში ჩაატარებენ თემატურ სიმულაციურ თამაშებს მოსწავლეების მონაწილეობით.
პროექტში ჩართვა შეუძლია ნებისმიერ სამოქალაქო განათლების პედაგოგს, საქართველოს მასშტაბით. კონკურსის გზით შეირჩევა 20 მასწავლებელი.
აპლიკაციის შევსების ბოლო ვადა არის 11.06.2019