«Իրազեկ քաղաքացիների միավորումը» ապրիլի 10-11-ին Ծաղկաձորում լրագրողների համար կազմակերպում է երկօրյա սեմինար-քննարկում «Ընտրական կարգավորումներ և բարեփոխումներ» խորագրով, որի ընթացքում մասնակիցներին կներկայացվեն Ընտրական օրենսգրքի և կուսակցությունների մասին օրենքի փոփոխությունները։
Միջոցառմանը զեկույցով հանդես կգան համապատասխան պետական մարմինների ներկայացուցիչներ և ոլորտի փորձագետներ: Մասնակցության հետ կապված բոլոր ծախսերը հոգում է կազմակերպությունը։ Մեկնումը նախատեսվում է Երևանից շաբաթ օրը՝ առավոտյան, վերադարձը` կիրակի՝ օրվա երկրորդ կեսին:
Մասնակցելու համար անհրաժեշտ է լրացնել հայտը։ Դիմումների ընդունման վերջնաժամկետը ապրիլի 7-ն է։ Մրցույթի արդյունքում կընտրվեն շուրջ 20 լրագրողներ։ Լրացուցիչ տեղեկությունների համար զանգահարեք (011) 355042 հեռախոսահամարով կամ գրեք մեր ֆեյսբուքյան էջին՝
https://www.facebook.com/uicarmenia/:
