ახალგაზრდების ხმა მშვიდობისთვის
თქვენ ავსებთ ელექტრონულ საგრანტო განაცხადს პროექტისთვის "ახალგაზრდების ხმა მშვიდობისთვის".
პროექტი მხარდაჭერილია ავსტრიის განვითარების სააგენტოს (ADA) მიერ, ავსტრიის განვითარების თანამშრომლობის (ADC) დაფინანსებით. პროექტს ახორციელებენ ქეა კავკასია და იძულებით გადაადგილებულ ქალთა ასოციაცია "თანხმობა", ქეა ავსტრიასთან მჭიდრო თანამშრომლობით. პროექტის მიზანია ხელი შეუწყოს საქართველოში ერთიანი, მშვიდობიანი, ინკლუზიური და თანასწორი საზოგადოების ჩამოყალიბებას.პროექტი ხორციელდება ოთხ სამიზნე თემში: რიყე (ზუგდიდის მუნიციპალიტეტი), მუჟავა (წალენჯიხის მუნიციპალიტეტი), მერეთი (გორის მუნიციპალიტეტი) და კაზრეთი (ბოლნისის მუნიციპალიტეტი).
პროექტის საგრანტო კომპონენტი მხარს უჭერს ახალგაზრდულ იდეებს, რომელთა განხორციელებაც პასუხობს სამიზნე თემის პრობლემებს და ისახავს მათ საჭიროებებზე მორგებულ გადაჭრის გზებს.
პროექტის მონაწილე ახალაგაზრდებმა, ოთხივე სამიზნე თემში (რიყე, მუჟავა, მერეთი, კაზრეთი) შეისწავლეს თემში ახალგაზრდების და სხვა წევრების საჭიროებები, გამოკვეთეს არსებული გამოწვევები და შეიმუშავეს სამოქმედო გეგმები აღნიშნული გამოწვევების გადაჭრის მიზნით.
ახალგაზრდების მიერ შემუშავებული სამოქმედო პრიორიტეტული მიმართულებებია:
1) ახალგაზრდების მონაწილეობა
2) გენდერული თანასწორობა
3) მშვიდობა და უსაფრთხოება
4) ხელმისაწვდომობა ახალგაზრდულ რესურსებზე/სივრცეებზე
ვის შეუძლია განაცხადის წარმოდგენა?
• სამიზნე თემებში (რიყე, მუჟავა, კაზრეთი, მერეთი) მცხოვრები ახალგაზრდების საინიციატივო ჯგუფებს;
• საინიციატივო ჯგუფი უნდა შედგებოდეს მინიმუმ ორი წევრისგან;
• საინიციატივო ჯგუფის წევრები უნდა იყვნენ 14-29 წლის.
საპროექტო იდეა უნდა განხორციელდეს სამიზნე თემებში (რიყე, მუჟავა, კაზრეთი, მერეთი) და შეესაბამებოდეს ახალგაზრდების სამოქმედო გეგმების პრიოტიტეტებს (ახალგაზრდების მონაწილეობა, გენდერული თანასწორობა, მშვიდობა და უსაფრთხოება, ხელმისაწვდომობა ახალგაზრდულ რესურსებზე/სივრცეებზე). პროექტები უნდა განხორციელდეს 2022 წლის 31 ოქტომბრამდე.
პროექტის შესარჩევი ეტაპები:
1: საპროექტო განაცხადების შევსება და მათი შეფასება;
2: საინიციატივო ჯგუფებთან ონლაინ ინტერვიუ;
3: ფინალისტი საინიციატივო ჯგუფების გამოვლენა და ტრენინგი პროექტების სრულყოფის მიზნით;
4: ფინალური პროექტების გამოგზავნა;
5: პროექტების დაფინანსება.
განაცხადების მიღების ბოლო ვადაა 2022 წლის 4 აპრილი.
