III Sevil Film Festivalı sənədli film qəbulunu elan edir!
III Sevil Beynəlxalq Qadın Sənədli Film Festivalı builki proqramda iştirak üçün dünyanın hər yerindən sənədli film qəbulunu elan edir.
Filmlərin gender mövzusunu əhatə etməsi və sənədli janrda olması mütləqdir.
Festivala təqdim olunan filmlər qadınların uğur hekayələri, qadın qətlləri, məişət zorakılığı, selektiv abort, gender bərabərliyi, qadınların cəmiyyətdəki rolu və s. daxil olmaqla, genderlə bağlı hər hansı mövzunu əhatə etməlidir.
Hamınıza uğurlar və işinizi bizimlə bölüşdüyünüz üçün təşəkkürlər!
Son müraciət tarixi 15 iyun, 2022.
SEVİL Beynəlxalq Qadın Sənədli Film Festivalı Azərbaycanda gender məsələlərinə fokuslanan müstəqil sənədli filmlər festivalıdır. Sevil-BQSFF yerli kinematoqrafçıları və bu sahə ilə əlaqədar insanları sənədli filmə təşviq etmək, eyni zamanda regionlarda mədəni aktivliyi artırmaq və gender məsələlərinə diqqət çəkmək məqsədi ilə yaradılıb.
Festival fəaliyyətə 2020-ci il sentyabr ayında başlayıb. Festival Azərbaycan tamaşaçılarına dünyanın dörd bir yanından seçilmiş filmləri təqdim edir və müxtəlif gender əsaslı mövzular ətrafında ictimai müzakirələrə təkan verir. Həmçinin yerli sənətçilərin təqdimatına açıq olan qısa və tammetrajlı sənədli filmlər müsabiqəsi təşkil edərək yerli film sənayesinin inkişafına da dəstək olmağa çalışır.